Töframaðurinn frábæri Einar Mikael heldur námskeið í töfrabrögðum fyrir krakka á aldrinum 8 - 15 ára í fyrirlestrarsal íþróttaakademíunnar. Þar verða kennd undirstöðuatriði í töfrabrögðum og fá þátttakendur innsýn inn í hinn dularfulla heim töfrabragða. Kennd verða skemmtileg og praktísk töfrabrögð með spilum og teygjum og hugsanalestur. Börnin fá að sjá myndbönd með bestu töframönnum heims og kynnast bræðralagi töframanna þar sem allir eiga að bera virðingu hver fyrir öðrum og að lokum sverja þau töframannaeiðinn. Allt sem krakkarnir þurfa á námskeiðinu verður til staðar.

Ókeypis er á námskeiðið. Eina sem þarf að gera er að mæta á staðinn. Þátttökufjöldi takmarkast við húsrúm fyrirlestrarsalarins.

Leiðbeinandi: Einar Mikael töframaður, einn færasti töframaður landsins! Hann verður með sýningu á stóra sviðinu á laugardeginum kl. 17:00!