Flokkar:

  • Almennt
  • Börn
  • Íþróttir & tómstundir
  • Saga
  • Sýningar
  • Tónlist
  • Útisvið
  • Veitingar

Dagar:

  • Miðvikudagur
  • Fimmtudagur
  • Föstudagur
  • Laugardagur
  • Sunnudagur

Valdar síur:

Close

Prenta alla viðburði

Ljósanótt 2016

Reykjanesbær
Almennt
 
Miðvikudagur    00:00 - 00:00
event photo
Af mikilli eftirvæntingu leggjum við upp í sautjándu Ljósanóttina, dagana 1. – 4. september 2016. Hátíðin hefur fyrir löngu fest sig í sessi sem ein helsta menningar- og fjölskyludhátíð landsins með viðamiklum viðburðum frá fimmtudegi til sunnudags og í ár verður engin undantekning frá því.

Hefð er að skapast fyrir þjófstarti á miðvikudeginum með kvöldopnun verslana við Hafnargötuna með dúndurtilboðum og almennum skemmtilegheitum. Sama kvöld er frumsýning á tónleikunum Með blik í auga í Andrews leikhúsinu á Ásbrú þar sem tónlistarsagan er rakin með skemmtilegum hætti.

Formleg setning er á fimmtudeginum með þátttöku allra grunnskólabarna bæjarins auk elstu barna leikskólans. Seinnipartinn opna listsýningar í Duus Safnahúsum og í framhaldi um allan bæ með tilheyrandi stemningu.

Á föstudeginum fer fram tónlistardagskrá á smábátabryggjunni við Duus Safnahús og þá er öllum gestum hátíðarinnar boðið upp á rjúkandi kjötsúpu. Þetta kvöld eru líka heimatónleikar í gamla bænum og unglingaball auk ýmissa annarra uppákoma.

Á laugardeginum rís hátíðin hæst. Dagurinn er pakkaður. Árgangagöngunni má enginn missa af. Að henni lokinni er standandi dagskrá og nóg um að vera fyrir börn og fullorðna m.a. fjölskyldudagskrá á útisviði og tónleikadagskrá í Duus Safnahúsum. Um kvöldið eru stórtónleikar á útisviði og botninn sleginn í dagskrána með björtustu flugeldasýningu landsins.

Á sunnudag eru allar sýningar opnar og sömuleiðis sölutjöld og tívolítæki og síðasti séns fyrir fólk að sjá allt það sem það hefur ekki komist yfir alla helgina.
Dagskráin mun öll birtast hér á vefnum eftir því sem hún tekur á sig mynd. Þátttakendur skrá sjálfir sína viðburði inn á vefinn.

Umsjón með allri sölu á svæðinu hefur Karfan, ungmennaráð körfuknattleiksdeilda Keflavíkur og Njarðvíkur, og er allar upplýsingar um sölu að finna hér á vefnum.

Reykjanesbær hefur umsjón með hátíðinni en framkvæmdastjóri hennar er Valgerður Guðmundsdóttir, menningarfulltrúi, valgerdur.gudmundsdottir@reykjanesbaer.is . Netfang Ljósanætur er ljosanott@ljosanott.is, símanúmer Ljósanætur er á bæjarskrifstofum Reykjanesbæjar s. 421 6700.

Styrktaraðilar