Flokkar:

  • Almennt
  • Börn
  • Íþróttir & tómstundir
  • Saga
  • Sýningar
  • Tónlist
  • Útisvið
  • Veitingar

Dagar:

  • Miðvikudagur
  • Fimmtudagur
  • Föstudagur
  • Laugardagur
  • Sunnudagur

Valdar síur:

Close

Prenta alla viðburði

Blómahaf listamannaspjall

Bíósalur Duus hús
Sýningar
gunnhildurthordar@gmail.com  
Sunnudagur    15:00 - 16:00
event photo
Sunnudag 4. september kl. 15 mun Elínrós Blomquist Eyjólfsdóttir listmálari taka þátt í listamannaspjalli um sýningu sína, Blómahaf, sem stendur yfir í Bíósal Duushúsa á Ljósanótt. Á sýningunni gefur að líta málverk, teikningar og skissur, postulín og skartgripi. Verkin eru sum hver mjög stór olíumálverk sem áður voru til sýnis í Hofi á Akureyri fyrr á þessu ári en einnig eru minni verk og landslagsverk. Sýningarstjóri er Gunnhildur Þórðardóttir myndlistarmaður.
Myndheimur Elínrósar er draumkenndur en á sama tíma raunsær þar sem myndefnið er málað af mikilli nákvæmni og af raunsæi og virðingu fyrir efninu. Á myndunum lifnar gróðurinn við en listræn fegurð myndanna hefur mikið gildi og er hægt að skynja lífrænan kraft þeirra. Elínrós hefur tekið þátt í sýningum víða bæði á Íslandi og erlendis meðal annars í Hofi, í Hafnarborg, Gallerí Hornið, Bretlandi og Bandaríkjunum. Hún stundaði nám við Myndlista- og handíðaskóla Íslands og lauk þar námi úr málaradeild á árinu 1987. Hún hefur stundað postulínsmálun í mörg ár og sótt mörg námskeið. Árið 1995 lauk hún mastersnámi í málun frá Skidmore College í Bandaríkjunum. Hún hefur einnig sótt fjölda námskeiða erlendis og verið í gestavinnustofum. Elínrós er meðlimur í Sambandi íslenskra myndlistarmanna og í Nordiska Akvarellsallskapet.

Styrktaraðilar