Ljósanótt - Fréttir

Takk fyrir frábæra Ljósanótt!

Mon, 08 Sep 2025 14:24:04 GMT

Að halda utan um fjölskyldu- og menningarhátíð eins og Ljósanótt fyrir rúmlega 20 þúsund manna bæjarfélag og þúsundir gesta til viðbótar er ekki lítið verkefni. Fjöldi fólks leggur sitt af mörkum svo allt gangi sem best og því hefst undirbúningur mörgum mánuðum fyrir hátíðina.

Í ár léku veðurguðirnir svo sannarlega við okkur, þótt nokkrar rigningardembur og sunnudagurinn minntu á að haustið væri á næsta leiti. Það breytti þó engu um þá frábæru stemningu sem ríkti í bænum, enda er það ekki veðrið sem ræður ferðinni heldur gleðin, samstaðan og viljinn til að skapa eftirminnilega upplifun fyrir alla, saman með ljós í hjarta.

Það var ánægjulegt að sjá hversu margir nutu þess að taka þátt í fjölbreyttri dagskrá sem sameinar bæjarbúa og gesti í gleði og samstöðu ár hvert og þessi 24. hátíð var engin undantekning. Sérstaklega er ástæða til að fagna því að hátíðin gekk vel fyrir sig án alvarlegra atvika. Þar skipti undirbúningurinn miklu máli, ekki síst sú áhersla sem lögð var á forvarnir og uppbyggileg samskipti í aðdraganda hátíðarinnar. Slíkt starf er ómetanlegt og á sinn þátt í að skapa örugga og ánægjulega hátíð fyrir alla.

Fyrir hönd Reykjanesbæjar vil ég færa öllum þeim sem komu að undirbúningi og framkvæmd hátíðarinnar hjartans þakkir, starfsfólki bæjarins, viðbragðsaðilum, listafólki, félagasamtökum, fyrirtækjum og styrktaraðilum. Síðast en ekki síst þakka ég ykkur, íbúum og gestum, sem fjölmenntuð á viðburði helgarinnar með bros á vör og gerðu hátíðina lifandi. Án ykkar væri engin Ljósanótt.

Kjartan Már Kjartansson, bæjarstjóri

Hagnýtar upplýsingar

Sat, 30 Aug 2025 13:40:03 GMT

Strætó, rafhlaupahjól, stæði fyrir húsbíla og ferðavagna, hátíðarkort o.fl.

Allar helstu upplýsingar tengdar hátíðinni má finna hér. Má þar nefna upplýsingar um bílastæði, salerni, lokanir gatna, samgöngur og margt fleira.

Alla dagskráliði Ljósanætur má finna hér , en samantekt á helstu dagskrárliðum til að hlaða niður má finna hér

Hátíðarkort

Hægt er að hlaða niður hátíðarkorti Ljósanætur hér en þar koma fram allar helstu upplýsingar

Stæði fyrir húsbíla og ferðavagna

Hægt verður að leggja ferðavögnum og húsbílum við Smábátahöfnina í Gróf. Þar verður boðið upp á rafmagn og salerni. Einnig er hægt að leggja á Fokkunni við hús Sýslumannsins á Suðurnesjum og á grasbletti við Hringbraut/Vesturbraut. Þar er þó engin þjónusta, hvorki rafmagn né salerni. Upplýsingar um verð má finna hér.

Ljósanæturstrætó - ókeypis

Allar upplýsingar um innanbæjarstrætó má finna hér.

Athugið að landsbyggðarstrætó gengur samkvæmt hefðbundinni áætlun þar sem söfnunarstaður er við Miðstöð. Upplýsingar má finna á streato.is

Handverksmarkaður á Tjarnargötu 12

Hið margrómaða handverkstjald flyst nú inn á Tjarnargötu 12. Þar lofum við frábærri markaðsstemningu þar sem fjölmargir söluaðilar selja spennandi handverk og annan varning. Nánar hér.

Rafhlaupahjól - Hopp

Hraði verður takmarkaður á hátíðarsvæðinu ásamt því að sérstök afsláttarsvæði verða við Ránargötu og Slippfélagið. Nánar um það hér.

Gleðilega Ljósanótt - saman með ljós í hjarta!

Ljósanæturstrætó 2025

Sat, 30 Aug 2025 13:03:23 GMT

Við hvetjum alla til þess að skilja bílinn eftir heima á Ljósanótt og nýta sér ókeypis Ljósanæturstrætó.

Á Ljósanótt verður boðið upp á sérstakan Ljósanæturstrætó innanbæjar á hluta föstudags, á laugardag og sunnudag.

Ókeypis aðgangur verður í Ljósanæturstrætó.

Þegar Ljósanæturstrætó tekur við af hefðbundum strætó verða eknar þrjár leiðir R1 Keflavík, R2 Njarðvík, R3 Ásbrú og svo pöntunarþjónusta fyrir R4 Hafnir. Vagnarnir munu fara 50 mínútur yfir heila tímann á söfnunarstað við Myllubakkaskóla áður en þeir halda í miðstöð í Krossmóa til að hefja leið sína.

Föstudagur:

Ljósanæturstrætó tekur við af innanbæjarstrætó kl. 16:00-00:00 og ekur á klukkustunda fresti. Fyrsta ferð kl. 16:00 og lokaferð kl. 22:50 frá Myllubakkaskóla.

Laugardagur

Akstur á klukkustunda fresti samkvæmt áætlun frá kl. 10:00-01:00. Fyrsta ferð kl. 10:00 og lokaferð kl. 23:50 frá Myllubakkaskóla.

Sunnudagur:

Akstur á klukkustunda fresti samkvæmt áætlun frá kl. 10:00-17:00. Fyrsta ferð kl. 10:00 og lokaferð kl. 15:50 frá Myllubakkaskóla.

Upplagt fyrir fjölskyldur og hópa að halda gleðinni gangandi með strætóferð auk þess sem yngsta kynslóðin kann vel að meta það.

Athugið: Landsbyggðarstrætó gengur samkvæmt hefðbundinni áætlun og verður söfnunarstaður við Miðstöð. Hægt er að sjá áætlun á straeto.is

Ljósberar ganga til liðs við Ljósanótt

Thu, 28 Aug 2025 21:11:57 GMT

Styrktarsamningar við aðalstyrktaraðila Ljósanætur 2025, svokallaða Ljósbera voru undirritaðir í vikunni. Hátíðin verður haldin í 24. sinn dagana 4.–7. september og undirbúningur er í fullum gangi.

Í ár taka á sjötta tug fyrirtækja þátt í að styðja hátíðina með fjárhagslegu framlagi eða þjónustu – og enn bætist í hópinn. Ljóst er að án öflugs stuðnings atvinnulífsins væri ekki hægt að halda Ljósanótt með jafn kröftugum hætti og raun ber vitni.

„Það er ómetanlegt þegar fyrirtæki á svæðinu láta sig samfélagið varða,“ sagði Halldóra Fríða Þorvaldsdóttir, starfandi bæjarstjóri, við undirritunina. „Fjöldi íbúa starfar hjá þessum fyrirtækjum og sýnilegur stuðningur þeirra styrkir bæði traust og stolt starfsfólks. Það er alltaf ánægjulegt þegar allir leggja sitt af mörkum svo vel megi takast til.“

Ljósberar Ljósanætur 2025

Aðalstyrktaraðilar Ljósanætur – Ljósberarnir – eru í ár:
Landsbankinn, KEF Keflavíkurflugvöllur, Skólamatur, BUS4U,
Blue Car Rental, Nettó og GTS.

Með stuðningi sínum taka Ljósberarnir virkan þátt í að auðga bæjarlífið og styrkja um leið þá þætti sem eru órjúfanlegur hluti þess að skapa starfsmönnum og viðskiptavinum eftirsóknarvert umhverfi til að lifa og starfa í.

Hátíð með rætur og hefðir
Ljósanótt er menningar- og fjölskylduhátíð sem dregur nafn sitt af lýsingu á sjávarhömrunum „Berginu“ sem blasir við frá hátíðarsvæðinu. Lýsingin var afhjúpuð á fyrstu Ljósanóttinni árið 2000 og hefur allar götur síðan verið táknrænn hápunktur hátíðarinnar, ásamt stórtónleikum og flugeldasýningu á laugardagskvöldinu.

Á Ljósanótt er lögð áhersla á fjölbreyttar uppákomur frá fimmtudegi til sunnudags. Menning hefur verið rauður þráður hátíðarinnar frá upphafi – með tónlist og myndlist í fararbroddi – enda Reykjanesbær annálaður tónlistarbær.

Tilboð fyrir bæjarbúa í tívolítækin 2025

Sat, 23 Aug 2025 16:57:44 GMT

Á Ljósanótt 2025 verða þrjú fyrirtæki með tívolítæki!

SPRELL – verður með tæki á túninu við aðalsviðið frá fimmtudegi til sunnudags.

TAYOLRS TIVOLI – verður með tæki við hlið gamla SBK hússins í Grófinni frá fimmtudegi til sunnudags.

KASTALAR – verða með tæki frá fimmtudegi til sunnudags á túninu við Duustorg við enda Vesturgötu og Vesturbrautar.

Kaupa þarf miða hjá hverju fyrirtæki fyrir sig og því gilda EKKI sömu miðar hjá öllum aðilum.

Athygli er vakin á því að frítt verður í hoppukastalaland fyrir yngstu börnin í Skrúðgarðinum í Keflavík á laugardegi og sunnudegi!

Íbúum Reykjanesbæjar býðst að kaupa miða í tívolítæki hjá fyrirtækjunum á tilboðsverði 3. og 4. september!

Sunnudaginn 8. september verða miðar einnig seldir með 25% afslætti hjá Taylors.

!SPRELL!

3. september miðvikudagur frá kl. 17-20.

4. september fimmtudagur frá kl. 17-20

Stakur miði verður á 50% afslætti (250kr) þessa tvo daga en eftir það fara þeir í almenna sölu og eru verðin þá eftirfarandi:

Einn miði 500kr

10 miðar 4000kr

20 miðar 7000kr

30 miðar 9000kr

3-4 miðar í hvert tæki og endurgreiðsla ómöguleg.

!TAYLORS TIVOLI!

3. september miðvikudagur frá kl. 17-20.

4. september fimmtudagur frá kl. 14-21.

25% afsláttur af Candyfloss og poppi

Allt innifalið tilboð: 18 spilapeningar, 1 miði í verðlaunaleiki, 1 candyfloss eða poppkorn 10.000kr

20 spilapeningar 8.000kr

Þrír heppnir viðskiptavinir vinna fimm spilapeninga í tækin hjá Taylors.
Einn spilapeningur kostar 500kr utan tilboðsdaga og kostar að lágmarki tvo spilapeninga í hvert tæki.

!KASTALAR!

3. september miðvikudagur frá kl. 15-19

4. september fimmtudagur frá kl. 15-19

Stakur miði verður á 50% afslætti (250kr) þessa tvo daga en eftir það fara þeir í almenna sölu og eru verðin þá eftirfarandi:

Einn miði 500kr

6 miðar 2500kr

10 miðar 4000kr

20 miðar 7000kr

30 miðar + tveir skammtar af popp eða candyfloss = 10.000kr

2-4 miðar í hvert tæki.

Lokanir gatna á Ljósanótt 2025

Mon, 18 Aug 2025 16:58:28 GMT

Takmarkanir á umferð

Takmarkanir verða á umferð gatna við hátíðarsvæði Ljósanætur frá föstudegi til sunnudags. Hátíðarsvæðið er sýnt á meðfylgjandi mynd.

Þungar lokanir á og umhverfis Hafnargötu taka gildi föstudaginn 5. september kl. 09:00 og þeim verður aflétt sunnudaginn 8. september kl. 13:00 ef frá er talin lokun við Ægisgötu sem verður aflétt kl. 19:00.

Í ár verður breytt staðsetning á föstudagssviði og kjötsúpunni frá Skólamat og fer dagskráin fram við Ráðhús Reykjanesbæjar að Tjarnargötu 12. Sömuleiðis verður boðið upp á ókeypis barnadagskrá í skrúðgarðinum í Keflavík alla helgina. Af þessum sökum verður Tjarnargötu lokað á milli Kirkjuvegs og Vallargötu frá kl. 09:00-23:00 á föstudegi. Bílastæðin við skrúðgarðinn verða lokuð frá föstudagsmorgni til kl. 12:00 á sunnudag.

Hátíðarkort Ljósanætur má finna hér.
A llar hagnýtar upplýsingar má finna hér

Verður þú með viðburð á Ljósanótt?

Mon, 21 Jul 2025 10:26:39 GMT

Verður þú með viðburð á Ljósanótt?

Nú fer dagskrá Ljósanætur 2025 óðum að taka á sig mynd. Öll dagskrá birtist hér á vefnum í ágúst.

Allir þeir sem standa fyrir viðburðum á Ljósanótt eru beðnir um að skrá þá sjálfir í viðburðadagskrána og þannig verða þeir sjálfkrafa hluti af heildardagskrá Ljósanætur. Það er einfalt að skrá viðburð.

Hér efst í hægra horni síðunnar er flipinn "Skrá viðburð." Smellt er á hann og allar upplýsingar um viðburðinn skráðar inn. Hægt er að setja inn upplýsingar á ensku einnig og eru allir hvattir til að gera það en það er þó ekki skilyrði. Merkja þarf við um hvers kyns viðburð er að ræða og einnig hvenær hann fer fram. Mikilvægt er að senda inn mynd með öllum viðburðum. Þegar viðburðurinn er klár til að senda inn er smellt í reitinn "Skrá viðburð."

Ef allt hefur gengið upp birtast skilaboðin "Takk fyrir að senda inn viðburð". Þá fer viðburðurinn til yfirlestrar og í framhaldi er hann birtur á vefsíðunni. Þetta getur tekið allt upp í sólarhring svo engin ástæða er til að örvænta þótt viðburður birtist ekki um leið og hann hefur verið innsendur.

Viltu selja eitthvað á Ljósanótt?

Mon, 21 Jul 2025 10:15:42 GMT

Viltu selja eitthvað á Ljósanótt?

Þeir einstaklingar, félagasamtök og fyrirtæki sem hyggjast vera með sölu af einhverju tagi á Ljósanótt 2025 eru vinsamlegast beðnir að hafa samband við umsjónarmann söluplássa á netfangið sala@ljosanott.is og tilkynna um þátttöku.

Ákveðið hefur verið að hafa handverksmarkað þetta árið að Tjarnagötu 12 (Ráðhúsi Reykjanesbæjar).

Þeir sem hafa hug á að tryggja sér pláss á handverksmarkaði vinsamlegast sendið tölvupóst á sala@ljosanott.is og gefið upplýsingar um hversu miklu plássi óskað er eftir ásamt upplýsingum um söluaðila og hvað á að selja. Allar upplýsingar má finna hér

Leyfilegt er að vera með torgsölu frá fimmtudeginum 4. september til sunnudagsins 7. september.

Þúsundir skemmtu sér fallega á Ljósanótt

Sun, 08 Sep 2024 10:58:54 GMT

„Sólin gerir auðvitað gott betra“ sagði Guðlaug María Lewis, verkefnastjóri Ljósanætur í skýjunum eftir vel heppnaðan og sólríkan laugardag á Ljósanótt. „Við fögnuðum sérstaklega 30 ára afmæli Reykjanesbæjar með hreint út sagt frábærri tónlistarveislu og flugeldasýningu sem landsmenn fengu að njóta með okkur í beinni útsendingu.“

Skipuleggjendur hátíðarinnar telja að hún hafi verið með þeim fjölmennari og að tugþúsundir gesta hafi tekið þátt í dagskrá laugardagsins enda margt til skemmtunar. Að sögn Guðlaugar var virkilega góð og jákvæð stemning á svæðinu og langsamlega flestir staðráðnir í að vera með ljós í hjarta á Ljósanótt eins og lagt var upp með. „Við höfum auðvitað áhyggjur eins og aðrir af hópamyndun og ölvun unglinga sem virðist orðið samfélagslegt vandamál sem þjóðin þarf að taka höndum saman um að stemma stigu við. Eftir því sem við best vitum á þessari stundu gekk þetta stórslysalaust hjá okkur og fyrir það erum við þakklát.“

Síðasti dagur Ljósanætur er í dag og enn geta gestir sótt sýningar, tónleika og tívolí og þannig klárað það sem þeir hafa ekki komist yfir. Hátíðinni lýkur í kvöld með tónleikum Herberts Guðmundssonar og kórs Keflavíkurkirkju í Keflavíkurkirkju.

Góð stemning á kjötsúpukvöldi Ljósanætur

Sat, 07 Sep 2024 11:11:22 GMT

Hátíðarhöld á vegum Ljósanætur fóru vel fram í gær. Það voru 6000 lítrar af kraftmikilli kjötsúpu Skólamatar sem yljaði gestum í gærkvöldi í notalegri stemningu á meðan þeir hlýddu á tónleikadagskrá þar sem menningarverðlaunahafi Reykjanesbæjar, Magnús Kjartansson ásamt hljómsveitinni Vintage Caravan steig m.a. á stokk. Reykjanesbær fagnar í ár 30 ára afmæli sínu og leggur því sérstaka áherslu á tónlistararf sinn á Ljósanótt.

Bjartur dagur framundan

Í dag heiðrar sólin okkur með nærveru sinni og hefst dagskrá hefst með árgangagöngu upp úr hádegi. Við taka fjölbreyttir viðburðir og í kvöld verður boðið upp á sannkallað stórtónleika á aðalsviði þar sem tónleikadagskrá hefur verið sett saman sem snertir á ríkum tónlistararfi svæðisins. Það eru meðlimir Hjálma og Baggalúts sem fá með sér góða gesti til að gera þessu skil, auk annarra tónlistaratriða og verða tónleikarnir sýndir í beinni útsendingu á RUV. Margt fleira prýðir dagskrána í dag svo sem fjölbreyttir listviðburðir, ókeypis barnadagskrá, akstur glæsikerra og bifhjóla, leiktæki og matarvagnar og dagskrá kvöldsins lýkur með glæsilegri flugeldasýningu og tendrun ljósanna á berginu svokallaða, sem Ljósanótt dregur nafn sitt af.

Hagnýtar upplýsingar

Thu, 05 Sep 2024 18:06:31 GMT

Strætó, rafhlaupahjól, stæði fyrir húsbíla og ferðavagna, hátíðarkort o.fl.

Allar helstu upplýsingar tengdar hátíðinni má finna hér. Má þar nefna upplýsingar um bílastæði, salerni, lokanir gatna, samgöngur og margt fleira.

Dagskráliði Ljósanætur má finna hér.

Hátíðarkort

Hægt er að skoða hátíðarkort Ljósanætur hér en þar koma fram allar helstu upplýsingar

Stæði fyrir húsbíla og ferðavagna

Ljósanæturstrætó

Allar upplýsingar um innanbæjarstrætó má finna hér.

Allar upplýsingar um utanbæjarstrætó má finna hér og á straeto.is

Rafhlaupahjól - Hopp

Hraði verður takmarkaður á hátíðarsvæðinu ásamt því að sérstök afsláttarsvæði verða við Ránargötu og Slippfélagið. Nánar um það hér.

Gleðilega Ljósanótt - með ljós í hjarta!

Ljósanótt er hafin!

Thu, 05 Sep 2024 13:24:21 GMT

Ljósanótt, fjölskyldu- og menningarhátíð Reykjanesbæjar var sett nú í morgun 23. sinn, að viðstöddum leik- og grunnskólabörnum úr bæjarfélaginu. Það mátti skynja eftirvæntingu í loftinu þegar Kjartan Már Kjartansson bæjarstjóri setti hátíðina. Formaður ungmennaráðs Reykjanesbæjar, Hermann Borgar Jakobsson, dró risastóran marglitan Ljósanæturfána að húni á eina hæstu flaggstöng landsins en litir fánans eru til tákns um margbreytileikann og kraftinn sem býr í samfélaginu í Reykjanesbæ. Það var svo Friðrik Dór sem söng inn hátíðina með börnunum sem bundu lokahnútinn á dagskrána með því að syngja öll saman lagið Velkomin á Ljósanótt sem orðið hefur að eins konar einkennislagi hátíðarinnar.

Mikil dagskrá framundan

Við tekur fjögurra daga fjölbreytt dagskrá en um 150 viðburðir hafa verið skráðir á vef Ljósanætur, ljosanott.is. Seinnipartinn í dag, fimmtudag, opna listsýningar um allan bæ og verslanir bjóða upp á dúndur tilboð svo reikna má með að bærinn komi til með að iða af lífi þegar líða fer á kvöldið. Á föstudag er öllum hátíðargestum boðið upp á kraftmikla kjötsúpu frá Skólamat og tónleika þar sem fram koma m.a. Magnús Kjartansson, menningarverðlaunahafi Reykjanesbæjar, ásamt Vintage Caravan, Jón Jónsson og fleiri. Síðan taka við heimatónleikar og fjölbreyttir tónleikar og uppákomur á skemmtistöðum og í samkomuhúsum bæjarins er að finna alla helgina.

Tónlistarveisla á laugardag

Dagskrá laugardags hefst með svokallaðri Árgangagöngu þar sem árgangarnir hittast við Hafnargötu og arka í sameiningu að aðalsviði þar sem bæjarstjóri tekur á móti hópnum. Iðandi dagskrá er allan laugardaginn sem nær hápunkti sínum með kvöldtónleikum á útsviði þar sem tónlistararfi svæðisins verða gerð nokkur skil með sérstakri tónlistarveislu undir yfirskriftinni Reykjanesbær 30 ára . Þar njótum við liðsinnis meðlima úr Hjálmum og Baggalút ásamt fjölbreyttum hópi söngvara og verða tónleikarnir m.a. sýndir í beinni útsendingu á aðalrás RUV. Í lok tónleikanna tekur við bjartasta flugeldasýning landsins áður en ljósin á Berginu eru kveikt sem lýsa íbúum fram á vor og minna á Ljósanótt og sköpunarkraftinn sem í bænum býr. Sunnudagur Ljósanætur er tilvalinn til að þræða allar þær sýningar sem ekki tókst að skoða hina dagana, gera góð kaup í handverkstjaldi og verslunum og klassískt er að leyfa börnunum að klára tívolímiðana sína. Þá er einnig boðið upp á tónleika í Höfnum með Elízu og Ragnheiði Gröndal og tónleika í Keflavíkurkirkju með Herberti Guðmundssyni og kór kirkjunnar.

Alla dagskrá Ljósanætur er að finna á www.ljosanott.is og einnig má fylgjast með framvindu hátíðarinnar á samfélagsmiðlum.

Ljósanæturstrætó 2024

Wed, 04 Sep 2024 08:42:05 GMT

Við hvetjum alla til þess að skilja bílinn eftir heima á Ljósanótt og nýta sér ókeypis Ljósanæturstrætó.

Á Ljósanótt verður boðið upp á sérstakan Ljósanæturstrætó innanbæjar á hluta föstudags, á laugardag og sunnudag.

Ókeypis aðgangur verður í Ljósanæturstrætó.

Þegar Ljósanæturstrætó tekur við af hefðbundum strætó verður engin skiptistöð í Krossmóa heldur aka vagnarnir inn í sín hverfi frá söfnunarstað á Kirkjuvegi við Keflavíkurkirkju. Vagninn mun stoppa fyrir þeim sem eru staðsettir á merktum stoppistöðvum leiðarinnar. Ekið verður á heila tímanum frá söfnunarstað og á hálfa tímanum frá endastöðvum.

Fimmtudagur, ekið samkvæmt hefðbundinni strætóáætlun en ALLUR AKSTUR FELLUR NIÐUR Á MILLI KL. 09:30-12:00 vegna setningarhátíðar Ljósanætur.

Föstudagur, ekið samkvæmt hefðbundinni strætóáætlun til kl. 16:00 en þá tekur Ljósanæturstrætó við og ekur frá kl. 16:00-23:00. Síðasti bíll fer frá söfnunarstað kl. 23:00.

Laugardagur , Ljósanæturstrætó frá kl. 10:00 -16:00 og kl. 19:00 – 01:00. Síðasti bíll fer frá söfnunarstað kl. 01:00.

Sunnudagur, Ljósanæturstrætó frá kl. 12:00 -17:00. Síðasti bíll fer frá söfnunarstað kl. 17:00.

Upplagt fyrir fjölskyldur og hópa að halda gleðinni gangandi með strætóferð auk þess sem yngsta kynslóðin kann vel að meta það.

Landsbyggðarstrætó gengur samkvæmt áætlun. Aukaferðir til og frá hátíðarsvæði á laugardag. Allar upplýsingar á straeto.is

Lokanir gatna

Tue, 03 Sep 2024 22:13:30 GMT

Takmarkanir á umferð

Takmarkanir verða á umferð gatna við hátíðarsvæði Ljósanætur frá föstudegi til sunnudags. Hátíðarsvæðið er sýnt á meðfylgjandi mynd.

Í ár verður breytt staðsetning á föstudagssviði og kjötsúpunni frá Skólamat og fer dagskráin fram við Ráðhús Reykjanesbæjar að Tjarnargötu 12. Sömuleiðis verður sú nýbreytni að boðið verður upp á ókeypis barnadagskrá í skrúðgarðinum í Keflavík alla helgina. Af þessum sökum verður Tjarnargötu lokað á milli Kirkjuvegs og Vallargötu frá kl. 09:00-23:00 á föstudegi. Bílastæðin við skrúðgarðinn verða lokuð frá föstudagsmorgni til kl. 12:00 á sunnudag.

Hátíðarkort Ljósanætur má finna hér.
Allar hagnýtar upplýsingar má finna hér

Með ljós í hjarta á Ljósanótt

Mon, 02 Sep 2024 14:28:57 GMT

Framundan er Ljósanótt, fjölskyldu- og menningarhátíðin okkar í Reykjanesbæ. Hátíðin þar sem við komum saman eftir ævintýri sumarsins og stillum saman strengi inn í haustið. Þar verða fagnaðarfundir þar sem vinir hittast, fjölskyldur koma saman, brottfluttir snúa heim, gestir koma í bæinn og við gleymum okkur um stund í veislu af viðburðum og skemmtun. Þannig er Ljósanóttin okkar og þannig viljum við hafa hana.

Í ljósi þeirra staðreynda að aukinn vopnaburður barna og ungmenna virðist bláköld staðreynd, með skelfilegum afleiðingum, biðlum við til foreldra og forráðamanna að taka samtalið við börn sín og brýna fyrir þeim hætturnar sem fylgja vopnaburði. Við hvetjum foreldra auk þess til að huga vel að börnum sínum á Ljósanótt og njóta hátíðarinnar með þeim og í nánum samskiptum við þau. Síðast en ekki síst beinum við þeim tilmælum til foreldra að tryggja að ungmenni verði ekki eftirlitslaus á hátíðarsvæðinu eftir kl. 22:00 þegar útivistarreglur taka gildi og að fjölskyldan öll fari saman heim eftir að dagskrá lýkur kl. 23:00 á laugardegi.

Á Ljósanótt verður aukinn viðbúnaður lögreglu, barnaverndar og hjá Flotanum - flakkandi félagsmiðstöð. Starfrækt verður athvarf fyrir ungmenni og vel verður fylgst með unglingadrykkju og brugðist við henni.

Tökum höndum saman um að skemmta okkur fallega á Ljósanótt.

Tilboð fyrir bæjarbúa í tívolítækin 2024

halla.k.gudjonsdottir@reykjanesbaer.is (Halla Karen) — Fri, 30 Aug 2024 22:50:03 GMT

Á Ljósanótt 2024 verða þrjú fyrirtæki með tívolítæki!

SPRELL – verður með tæki á túninu við aðalsviðið frá fimmtudegi til sunnudags.

TAYOLRS TIVOLI – verður með tæki við hlið gamla SBK hússins í Grófinni frá fimmtudegi til sunnudags.

KASTALAR – verða með tæki frá fimmtudegi til sunnudags á túninu við Duustorg við enda Vesturgötu og Vesturbrautar.

Kaupa þarf miða hjá hverju fyrirtæki fyrir sig og því gilda EKKI sömu miðar hjá öllum aðilum.

Athygli er vakin á því að frítt verður í hoppukastalaland fyrir yngstu börnin í Skrúðgarðinum í Keflavík á laugardegi og sunnudegi!

Íbúum Reykjanesbæjar býðst að kaupa miða í tívolítæki hjá fyrirtækjunum á tilboðsverði 4. og 5. september!

Sunnudaginn 8. september verða miðar einnig seldir með afslætti hjá Sprell og Taylors.

!SPRELL!

4. september miðvikudagur frá kl. 17-20.

5. september fimmtudagur frá kl. 17-20

Stakur miði verður á 50% afslætti (250kr) þessa tvo daga en eftir það fara þeir í almenna sölu og eru verðin þá eftirfarandi:

Einn miði 500kr

10 miðar 4000kr

20 miðar 7000kr

30 miðar 9000kr

3-4 miðar í hvert tæki og endurgreiðsla ómöguleg.

!TAYLORS TIVOLI!

4. september miðvikudagur frá kl. 17-20.

5. september fimmtudagur frá kl. 14-21.

25% afsláttur af Candyfloss og poppi

Allt innifalið tilboð: 18 spilapeningar, 1 miði í verðlaunaleiki, 1 candyfloss eða poppkorn 10.000kr

20 spilapeningar 8.000kr

Þrír heppnir viðskiptavinir vinna fimm spilapeninga í tækin hjá Taylors.
Einn spilapeningur kostar 500kr utan tilboðsdaga og kostar að lágmarki tvo spilapeninga í hvert tæki.

!KASTALAR!

4. september miðvikudagur frá kl. 15-19

5. september fimmtudagur frá kl. 15-19

Stakur miði verður á 50% afslætti (250kr) þessa tvo daga en eftir það fara þeir í almenna sölu og eru verðin þá eftirfarandi:

Einn miði 500kr

6 miðar 2500kr

10 miðar 4000kr

20 miðar 7000kr

30 miðar + tveir skammtar af popp eða candyfloss = 9500kr

2-4 miðar í hvert tæki.

Ljósanótt handan við hornið

Wed, 28 Aug 2024 15:49:56 GMT

Í dag voru undirritaðir styrktarsamningar við aðalstyrktaraðila Ljósanætur en hátíðin verður haldin í 23. sinn dagana 5. - 8. september.

Um það bil 70 fyrirtæki styrkja Ljósanótt í ár með fjárhagslegum stuðningi og/eða öðru framlagi. Það er ljóst að án aðkomu þeirra væri Ljósanótt ekki haldin með jafn kröftugum hætti og raunin er. Helstu bakhjarlar Ljósanætur eru sterkir aðilar úr atvinnulífi svæðisins og sagði Kjartan Már Kjartansson bæjarstjóri við undirritun samninganna það vera ómetanlegt þegar fyrirtæki á svæðinu láti sig samfélagið varða enda mikill fjöldi íbúa sem starfi hjá þeim. Hann sagðist sannfærður um að sýnilegur stuðningur fyrirtækjanna auki traust starfsfólks til atvinnurekenda sinna og sagði það ánægjulegt þegar allir leggi sitt á vogarskálarnar til að vel megi takast til.

Ljósberar Ljósanætur
Aðalstyrktaraðilar Ljósanætur 2024, svokallaðir Ljósberar, eru Landsbankinn, KEF Keflavíkurflugvöllur, Skólamatur, BUS4U, Bakað og Málningarþjónustan JRJ. Með stuðningi sínum taka fyrirtækin þátt í því að auðga bæjarlífið og styrkja um leið þá þætti sem eru órjúfanlegur hluti þess að skapa starfsmönnum þeirra og viðskiptavinum eftirsóknarvert umhverfi til að lifa og starfa í. 

Dagskráin er óðum að taka á sig mynd og hana er að finna á vefnum Ljósanótt.is og þar má einnig sjá yfirlit yfir alla styrktaraðila hátíðarinnar.

Ljósanótt er menningar- og fjölskylduhátíð og dregur nafn sitt af lýsingu á sjávarhömrum „Bergsins“ sem blasir við af hátíðarsvæðinu. Lýsingin eða ljósaverkið var unnið eftir hugmynd Steinþórs Jónssonar fyrsta formanns Ljósanæturnefndar, og afhjúpað á fyrstu Ljósanóttinni árið 2000. Allar götur síðan hefur verið kveikt á ljósunum þegar hátíðin nær hápunkti sínum með stórtónleikum og flugeldasýningu á laugardagskvöldi Ljósanætur.

Afmælisáhersla á Ljósanótt

Á Ljósanótt er lögð áhersla á fjölbreyttar uppákomur frá fimmtudegi til sunnudags. Menningaráhersla hefur verið aðalsmerki hátíðarinnar frá upphafi og hafa tónlist og myndlist jafnan verið þar í fararbroddi enda bærinn annálaður tónlistarbær. Í ár fögnum við einnig 30 ára afmæli Reykjanesbæjar og ber hátíðin merki þess á ýmsan hátt. Sérstök áhersla verður á tónlistararf svæðisins og verður honum m.a. gerð skil með veglegri tónleikadagskrá á stórtónleikum Ljósanætur og víðar.

Verður þú með viðburð á Ljósanótt?

Thu, 04 Jul 2024 10:22:48 GMT

Verður þú með viðburð á Ljósanótt?

Nú fer dagskrá Ljósanætur 2024 óðum að taka á sig mynd. Öll dagskrá birtist hér á vefnum í ágúst.

Allir þeir sem standa fyrir viðburðum á Ljósanótt eru beðnir um að skrá hann sjálfir í viðburðadagskrána og þannig verður hann sjálfkrafa hluti af heildardagskrá Ljósanætur. Það verður einfalt að skrá viðburð.

Í ágúst birtist hér efst í hægra horni síðunnar flipinn "Skrá viðburð." Smellt er á hann og allar upplýsingar um viðburðinn skráðar inn. Hægt er að setja inn upplýsingar á ensku einnig og eru allir hvattir til að gera það en það er þó ekki skilyrði. Merkja þarf við um hvers kyns viðburð er að ræða og einnig hvenær hann fer fram. Mikilvægt er að senda inn mynd með öllum viðburðum. Þegar viðburðurinn er klár til að senda inn er smellt í reitinn "Skrá viðburð." Ef allt hefur gengið upp birtast skilaboðin "Takk fyrir að senda inn viðburð" á skjánum.

Þá fer viðburðurinn til yfirlestrar og samþykktar og í framhaldi er hann birtur á vefsíðunni. Þetta getur tekið allt upp í sólarhring svo engin ástæða er til að örvænta þótt viðburður birtist ekki um leið og hann hefur verið innsendur.

Viltu selja eitthvað á Ljósanótt?

Thu, 04 Jul 2024 10:17:01 GMT

Viltu selja eitthvað á Ljósanótt?

Þeir einstaklingar, félagasamtök og fyrirtæki sem hyggjast vera með sölu af einhverju tagi á Ljósanótt 2024 eru vinsamlegast beðnir að hafa samband við umsjónarmann söluplássa á netfangið sala@ljosanott.is eða í síma 847 -2503 og tilkynna um þátttöku.

Leyfilegt er að vera með torgsölu frá fimmtudeginum 5. september til sunnudagsins 7. september.

Láttu ljós þitt skína

Thu, 04 Jul 2024 10:04:30 GMT

Láttu ljós þitt skína

Fyrirtækjum stendur til boða að veita ljósi inn í Ljósanótt með fjárframlagi og styðja þannig við hátíðina svo hún megi verða sem glæsilegust. Þannig gefst kostur á að verða ljósvakar, ljósgjafar, ljósgeislar eða ljósberar gegn ákveðnu fjárframlagi. Styrktaraðilar fá á móti ákveðinn sýnileika á miðlum Ljósanætur, í auglýsingum eða á hátíðarsvæði eftir því í hvaða flokki þeir eru. Til að slást í hóp öflugra stuðningsaðila Ljósanætur er bent á að senda póst á ljosanott@reykjanesbaer.is og við sendum nánari upplýsingar um hæl.

Takk fyrir frábæra Ljósanótt

Wed, 06 Sep 2023 09:03:41 GMT

Við skipulagningu á fjölskyldu og menningarhátíð fyrir rúmlega 20 þúsund manna bæjarfélag og nokkur þúsund gesti til viðbótar er í mörg horn að líta svo allt gangi upp.

Margir mánuðir fara í undirbúning Ljósanætur ekki bara hjá starfsfólki Reykjanesbæjar heldur einnig fjölda annarra þátttakenda sem gæða hátíðina lífi.

Það voru því margir sem héldu niður í sér andanum í síðustu viku þegar þeir skoðuðu veðurspánna á klukkutíma fresti og ljóst varð að veðurguðirnir yrðu ekki með okkur í liði. Þrátt fyrir hressilegt rok og stöku rigninga dembur er aðdáunarvert hvernig allir fóru inn í helgina með jákvæðni að leiðarljósi og staðráðnir í að láta veðrið ekki skemma fyrir að bæjarhátíðin okkar yrði að veruleika. Plan A, B og í sumum tilfellum C gekk vonum framar og undantekningarlaust hefur fólk komið að máli við mig og rætt hversu vel hefur tekist til.

Fjöldi fólks kemur að því að láta Ljósanótt verða að veruleika og eiga margir þakkir skildar fyrir þeirra framlag og útsjónarsemi við að leika á veðurguðina. Fyrir hönd Reykjanesbæjar vil ég þakka starfsfólki sveitarfélagsins, viðbragðsaðilum, rekstraraðilum, félagasamtökum, listafólki, viðburðahöldurum og öllum styrktaraðilum kærlega fyrir þeirra framlag. Síðast en ekki síst vil ég þakka ykkur íbúum og gestum sem fjölmenntuð á ótal viðburði alla helgina með bros á vör. Án ykkar væri engin Ljósanótt.

Kjartan Már Kjartansson bæjarstjóri.

Þúsundir á Ljósanótt

Sun, 03 Sep 2023 12:27:13 GMT

Íbúar Reykjanesbæjar létu ekki aftakaveður föstudagskvölds aftra sér frá því að mæta til Árgangagöngu upp úr hádegi í gær, laugardag, og þramma undir lúðrablæstri að hátíðarsvæði þar sem Kjartan Már Kjartansson bæjarstóri bauð gesti Ljósanætur velkomna.

Dagskrá laugardagsins fór að mestu fram samkvæmt áætlun en skipuleggjendur hátíðarinnar héldu þó áfram að hugsa í lausnum og barnadagskrá sem fyrirhuguð var utandyra var flutt til svo yngsta kynslóðin gæti sem best notið hennar. Þannig mættu hin geysivinsælu Lára og Ljónsi húsfylli barna í Stapa á laugardagsmorgni og hoppukastalar sem ekki taldist öruggt að hafa uppblásna úti voru vel nýttir innandyra í Reykjaneshöll.

Þúsundir voru svo saman komnar á stórtónleikum Ljósanætur í gærkvöldi þar sem veðurguðirnir voru búnir að hrista úr sér mestu skapvonskuna og sýndu á sér sparihliðina. Stemningin á svæðinu var gríðarlega góð enda boðið upp á frábæra tónleika sem einnig var útvarpað á Rás 2. Ljósin á Berginu, sem hátíðin dregur nafn sitt af, kviknuðu við mikil fagnaðarlæti í lok magnaðrar flugeldasýningar, og munu þau lýsa upp myrkasta skammdegið í vetur og minna á sköpunargleðina og kraftinn í samfélaginu sem kristallast svo vel á Ljósanótt.

Dagskrá Ljósanætur heldur áfram í dag með sýningum, leiðsögnum í listasafni og byggðasafni og ýmsum tónleikum. Meðal annars fer fram hátíð í Höfnum, sem er eitt hverfa Reykjanesbæjar, og því nóg um að vera fyrir á fjórða og síðasta degi Ljósanætur sem var um margt óvenjuleg í ár og sýndi í raun hvaða sess hátíðin skipar í hjörtum íbúa sem neituðu að láta í minnipokann fyrir náttúruöflunum og héldu sína Ljósanótt með stæl.

Veðurguðir í stuði á Ljósanótt

Sat, 02 Sep 2023 09:51:23 GMT

Föstudagurinn frábær!

Það sama er að segja um gesti Ljósanætur að sögn Guðlaugar Maríu Lewis, verkefnastjóra hátíðarinnar, en mikill fjöldi fólks skemmti sér konunglega á þremur stórum viðburðum sem fluttir voru í skjól þegar ljóst var að stefndi í þennan hressilegan hausthvell. Kjötsúpusviðið sem átti að vera staðsett við Ráðhús Reykjanesbæjar var fært inn í íþróttahús þar sem allir gátu notið bæði kraftmikillar íslenskrar kjötsúpu frá Skólamat og flottra tónleika þar sem m.a. Páll Óskar og Sigga og Grétar sáu um að halda gestum í stuði. Bakgarðstónleikarnir í Holtunum heima fluttu sína dagskrá í Stapa og þar voru hundruð saman komin sem skemmtu sér konunglega að sögn Guðlaugar með hljómsveitinni Hjálmum, Birni Jörundi og fleirum. Þá var Heimatónleikum, sem m.a. áttu að vera í húsagörðum einnig komið í skjól og var boðið upp á akstur á milli tónleikastaða og segir Guðlaug augljóst af miðlun á samfélagsmiðlum að gestir þar hafi ekki látið veður aftra sér í að hlusta á Mugison í Rokkheimum Rúna Júl eða Lay Low og KK í hlýjum og notalegum stofum á ýmsum heimilum í gamla bænum.

Á meðan á þessari dagskrá stóð skvettu veðurguðirnir hressilega úr klaufunum og segir Guðlaug að líklegast hafi þeir verið sármóðgaðir yfir því að hafa ekki verið boðið með inn og þess vegna reynt að láta til sín taka á hátíðarsvæðinu með því m.a. að hrista aðeins til tívolítæki sem þar var búið að koma fyrir en tjón hafi reynst óverulegt.

Hefðbundinn Ljósanæturlaugardagur

„Nú þegar þessi hvellur er fokinn hjá fer allt á fullt við að setja hátíðarsvæðið upp á nýjan leik og stefnt er að hefðbundinni laugardagsdagskrá með Árgangagöngu kl. 13:30, alls kyns sýningum, tónleikum, leiktækjum, matarvögnum og barnadagskrá.“ Í kvöld sé síðan boðið upp á stórtónleika á aðalsviði með glæsilegri dagskrá og flugeldasýningu. Guðlaug segist treysta á að veðurguðirnir hafi jafnað sig að mestu og verði samvinnuþýðari í dag og hvetur gesti til að klæða sig eftir veðri og fara af stað og njóta alls þess sem dagskráin býður upp á. Hún hvetur gesti þó jafnframt til að fylgjast með tilkynningum á vef Ljósanætur og Reykjanesbæjar ef einhverjar ófyrirséðar breytingar verði á þeim áformum.

Breytingar vegna veðurs

Fri, 01 Sep 2023 11:49:19 GMT

Þessi tilkynning verður uppfærð eftir því sem breytingar verða ákveðnar

Kjötsúpusviðið verður staðsett í B-sal íþróttahússins við Sunnubraut 34
Handverkstjaldið er orðinn handverksmarkaður og er staðsettur í Grófinni 2 - gamla SBK
Andlitsmálning verður í boði í Bókasafni Reykjanesbæjar
Skynjunarleikir, litríkar blöðrur og sápukúlur verða staðsettar á Courtyard by Marriot
Í holtunum heima verður staðsett í Hljómahöll
Heimatónleikarnir í gamla bænum hafa gert breytingar á staðsetningum
Húlladúllan forfallast og verður því miður ekki með LED ljósasýningu né húllafjör.
Hestateyming verður ekki í boði.
Í Reykjaneshöll verður boðið upp á hoppukastala og andlitsmálningu frá kl. 14-17.
Tufti fer af hátíðarsvæði inni í Reykjaneshöll um kl. 15:30-16:30.
Leikhópurinn Lotta og Kósýbandið verða ekki á sviði í Skrúðgarðinum vegna veðurs.

Changes due to weather

Fri, 01 Sep 2023 10:09:09 GMT

This notice will be updated as changes are determined

The meat soup stage will be located in Hall B of the sports hall at Sunnubraut 34
The handicraft tent has become a handicraft market and is located in Grófin 2 - the old SBK
Face painting will be available in the Reykjanesbær Library
Sensory games, colorful balloons and soap bubbles will be located in the Courtyard by Marriot
Í holtunum heima will be located in Hjómahöll
Heimatónleikar í gamla bænum has changed locations
The hulla doll is canceled and will unfortunately not have an LED light show or hula animation.
Horse rideing will not be available.
In Reykjaneshöll, bouncy castles and face painting will be offered from 14-17.
Tufti leaves the festival area inside Reykjaneshöll around 15:30-16:30.
The theater group Lotta and the Kósy band will not be on stage in the Skrúdgarður due to the weather.

Skrautleg götulýsing á Hafnargötu

Fri, 01 Sep 2023 09:51:00 GMT

Eins og gestir Ljósanætur hafa vafalaust tekið eftir varpa götulampar við Hafnargötu marglitum ljósum sem setja virkilega skemmtilegan svip á hátíðarsvæðið. Um er að ræða nýja götulampa sem leysa af hólmi lampa sem verið hafa á staurum Hafnargötu í u.þ.b. 20 ár og hafa runnið sitt skeið. Þeir þóttu gott sviðsmyndarefni í True Detective upptökum sumarsins til að endurspegla liðna tíma en hlutverki þeirra til lýsingar Hafnargötu er lokið. Starfsmenn Umhverfissviðs Reykjanesbæjar náðu samkomulagi við ÍSAM og Signify um að setja í forgang framleiðslu lampa fyrir hluta hátíðarsvæðis Ljósanætur, sem afmarkast af Tjarnargötu og Duus safnahúsum. Ekki reyndist unnt að framleiða fleiri lampa á svo skömmum tíma. Vonast er til að hægt sé að ljúka útskiptum fyrir Tjarnargötu-Vatnsnesveg fyrir jól og þannig skapa nýja stemningu á þeim kafla. Lamparnir sem settir hafa verið upp eru nýjung og marka ákveðin tímamót í snjallvæðingu Reykjanesbæjar. Auk þess að lýsa hvítu ljósi á götu og gangstéttir Hafnargötunnar er hjálmur hvers lampa, sem sýnist hvítur í dagsbirtu, þannig gerður að geta tekið öllum þeim litum sem litrófið býður upp á. Á Ljósanótt munu þeir því skipta litum og skapa stemningu í takt við það sem er í gangi hverju sinni. Einnig verður tæknin nýtt til að slökkva hvítu gatna- og stígalýsinguna, t.d. á meðan flugeldasýningin stendur yfir. Þessu er öllu stýrt miðlægt og því algjör nýung í okkar bæjarfélagi.

Fuglaskoðunarhúsin og gangstígur á Fitjum
Fuglaskoðunarhúsin tvö á Fitjum eru nýjustu kennileiti bæjarins. JeEs arkitektar hönnuðu þessi einstöku verk sem Húsagerðin byggði af natni og fagmennsku. Til að sýna þessum húsum tilhlýðilega virðingu og umgjörð hannaði Lára Sigríður Örlygsdóttir, lýsingahönnuður, lýsingu sem í senn lýsir húsin á hógværan hátt og hlífir fuglalífi tjarnanna við Fitjar við áreiti ljósmengunar. Bergraf útfærði einstaka LED borða lýsingu sem skilar nákvæmlega því sem hönnuður fyrirskipaði. Sömu aðferð beitti hönnuður við útfærslu á lýsingu göngu- og hjólastígs um Fitjar.

Það er vel við hæfi á Ljósanótt að taka þessar nýjungar í lýsingu í notkun .

Ljósanæturhlaup 2023

Thu, 31 Aug 2023 18:08:07 GMT

Vel heppnað Ljósanæturhlaup

Ljósanæturhlaupið fór fram á þriðjudaginn í frábæru veðri. Hlaupið fór vel fram í alla staði og var metþátttaka. Að sögn Vikars Sigurjónssonar, skipuleggjanda hlaupsins, þá gekk undirbúningurinn á hlaupinu vel og í rauninni hafi allt gengið upp enda frábært hlaupaveður. Þá munu 500 kr af hverri skráningu renna í Minningarsjóð Ölla, en sjóðurinn styrkir börn til íþróttaiðkunar sem ekki eiga þess kost vegna bágrar fjárhagsstöðu.

Það mátti litlu muna að Ljósanæturhlaupið færi ekki fram í ljósi þess að Lífsstíll, sem hefur haldið utan um framkvæmd hlaupsins hingað til, er ekki lengur starfandi en eftir að Vikar fékk fyrirspurnir frá áhugasömum hlaupurum og hvatningu frá Hafþóri, íþrótta- og tómstundafulltrúa Reykjanesbæjar, ákvað hann að láta slag standa og halda hlaupið. Vikar er ákveðinn í að endurtaka leikin á næstu Ljósanótt og gera enn betur og vill koma bestu þökkum til starfsfólksins sem aðstoðaði hann með hlaupið sem og styrktaraðilum sem gáfu m.a. vinninga og íþróttadrykki fyrir þyrsta hlaupara sem og Reykjanesbæ.

Nú er það plan C fyrir kjötsúpu og föstudagstónleika!

Thu, 31 Aug 2023 16:22:25 GMT

Af óviðráðanlegum orsökum reyndist ekki hægt að bjóða upp á tónleika í gamla slippnum á föstudag eins og stefnt var að. Við deyjum þó ekki ráðalaus og grípum í plan C.

Tónleikarnir fara nú fram í B sal íþróttahússins við Sunnubraut 34. Þar verður gestum boðið upp á rjúkandi kjötsúpu að hætti Skólamatar og frábæra skemmtun á sviði.

Dagskráin er sannarlega ekki af verri endanum og meðal þeirra sem koma fram eru Sigga og Grétar úr Stjórninni og sjálf diskódívan Páll Óskar auk flottu heimabandanna Kósýbandsins, Midnight Librarian, Demo og Sissu sigurvegara úr söngkeppni framhaldsskólanna og hæfileikakeppni Ljósanætur.

Dagskrá á sviði stendur frá kl. 18:00 – 21:00.

Boðið verður upp á kjötsúpu frá kl. 18:00 – 20:00.

Handverkstjaldið undir bárujárnsþak!

Thu, 31 Aug 2023 08:41:58 GMT

Hið margrómaða handverkstjald flyst undir bárujárnsþak þessa Ljósanótt þar sem ekki er útlit fyrir gott veður til að tjalda. Við deyjum þó ekki ráðalaus heldur færum handverksmarkaðinn inn í SBK húsið í Grófinni 2.

Þar lofum við frábærri markaðsstemningu.

Ljósanæturstrætó 2023

Wed, 30 Aug 2023 16:43:12 GMT

Við hvetjum alla til þess að skilja bílinn eftir heima á Ljósanótt og nýta sér ókeypis Ljósanæturstrætó.

Strætó mun aka sínar venjulegu leiðir á Ljósanótt með nokkrum undantekningum.

Frá kl. 16:00 föstudaginn 1. september verður starfræktur sérstakur Ljósanæturstrætó til kl. 23:00 og í stað þess að skiptistöð verði í Krossmóa er ekið beint að söfnunarstað á Kirkjuvegi við Keflavíkurkirkju.

Laugardaginn 2. september gengur Ljósanæturstrætó á milli kl. 12:00 og 16:00 og aftur á milli kl. 19:00 og 24:00 Pöntunarþjónusta verður í boði fyrir íbúa í Höfnum.

Frítt er í Ljósanæturstrætó, föstudaginn 1. september frá kl. 16:00 til laugardagsins 2. september kl. 24:00.

Upplagt fyrir fjölskyldur og hópa að halda gleðinni gangandi með strætóferð auk þess sem yngsta kynslóðin kann vel að meta það.

Landsbyggðarstrætó gengur samkvæmt áætlun. Söfnunarstaður fyrir landsbyggðarstrætó verður á Hringbraut/Melteigur. Einnig verður boðið upp á aukavagna.

Tveir vagnar fara frá Firði Hafnarfirði kl.17:53, áætlunarvagn og aukavagn (aukavagnar aka ekki milli Keflavík og KEF-airport)

Tveir vagnar fara frá söfnunarstað Hringbraut/Melteigur kl. 23:01

Áætlunarvagn ekur að Firði
Aukavagn ekur að BSÍ

Ekki frítt og Klappið gildir ekki

Hægt að borga með greiðslukortum og reiðufé

Miðaverð önnur leið fyrir fullorðinn er 2.280 kr.

Hér er hægt að hlaða niður korti með upplýsingum um Ljósanæturstrætó á PDF.

Veðrið og Ljósanótt

Tue, 29 Aug 2023 16:12:26 GMT

Eins og flestum er kunnugt er veðurspá fyrir Ljósanæturhelgina ekki sérlega hagstæð eins og staðan er akkúrat núna.

Öryggisnefnd Ljósanætur fylgist grannt með þróun mála og tekur stöðuna jafnt og þétt fram að hátíðinni sem hefst á fimmtudag.

Allra leiða verður leitað til að halda hátíðina samkvæmt auglýstri dagskrá en fyllsta öryggis verður þó gætt og ef gefnar verða út gular eða rauðar veðurviðvaranir verður brugðist við samkvæmt því.

Allar breytingar verða tilkynntar á vef og á facebooksíðu Ljósanætur og Reykjanesbæjar .

Tilboð fyrir bæjarbúa í tívolítækin

Tue, 29 Aug 2023 11:32:38 GMT

Á Ljósanótt 2023 verða þrjú fyrirtæki með tívolítæki!

SPRELL – verður með tæki á túninu við stóra sviðið frá fimmtudegi til sunnudags.

TAYOLRS TIVOLI – verður með tæki við hlið gamla SBK hússins í Grófinni frá fimmtudegi til sunnudags.

KASTALAR – verða með teygjuhopp og vatnabolta frá fimmtudegi til sunnudags.

Kaupa þarf miða hjá hverju fyrirtæki fyrir sig og því gilda EKKI sömu miðar hjá öllum aðilum.

Athygli er vakin á því að frítt verður í hoppukastalaland fyrir yngstu börnin í Skrúðgarðinum í Keflavík á laugardeginum!

Íbúum Reykjanesbæjar býðst að kaupa miða í tívolítæki hjá SPRELL og TAYLORS á sérstöku tilboði.

30. ágúst miðvikudagur frá kl. 17-20.

31. ágúst fimmtudagur frá 14-21.

!SPRELL!

Stakur miði verður á 50% afslætti (250kr) þessa tvo daga en eftir það fara þeir í almenna sölu og eru verðin þá eftirfarandi:

Einn miði 500kr

10 miðar 4000kr

20 miðar 7000kr

30 miðar 9000kr

3-4 miðar í hvert tæki og endurgreiðsla ómöguleg.

!TAYLORS TIVOLI!

25% afsláttur af Candyfloss og poppi

Allt innifalið tilboð: 18 spilapeningar, 1 miði í verðlaunaleiki, 1 candyfloss eða poppkorn 10.000k r

20 spilapeningar 8.000kr

Þrír heppnir viðskiptavinir vinna fimm spilapeninga í tækin hjá Taylors.
Einn spilapeningur kostar 500kr utan tilboðsdaga og kostar að lágmarki tvo spilapeninga í hvert tæki.

!KASTALAR!

Athugið að þessi tilboð eru í gangi alla helgina.

Einn miði 500kr

6 miðar 2500kr

10 miðar 4000kr

20 miðar 7000kr

3-4 miðar í hvert tæki.

Styrktarsamningar vegna Ljósanætur

Wed, 23 Aug 2023 09:03:33 GMT

Í dag voru undirritaðir styrktarsamningar við helstu bakhjarla Ljósanætur en hátíðin verður haldin í 22. sinn dagana 31.ágúst - 3. september.

Yfir sextíu fyrirtæki styrkja Ljósanótt í ár með fjárhagslegum stuðningi og/eða öðru framlagi. Það er ljóst að án aðkomu þeirra væri Ljósanótt ekki haldin með jafn kröftugum hætti og raunin er. Helstu bakhjarlar Ljósanætur eru sterkir aðilar úr atvinnulífi svæðisins og sagði Kjartan Már Kjartansson bæjarstjóri við undirritun samninganna það vera ómetanlegt þegar fyrirtæki á svæðinu láti sig samfélagið varða enda mikill fjöldi íbúa sem starfi hjá þeim. Hann sagðist sannfærður um að sýnilegur stuðningur fyrirtækjanna auki traust starfsfólks til atvinnurekenda sinna og sagði það ánægjulegt þegar allir leggi sitt á vogarskálarnar til að vel megi takast til.

Aðalstyrktaraðilar Ljósanætur 2023 eru Landsbankinn, Isavia, Icelandair, Skólamatur, BUS4U, Bakað og WIZ. Með stuðningi sínum taka fyrirtækin þátt í því að auðga bæjarlífið og styrkja um leið þá þætti sem eru órjúfanlegur hluti þess að skapa starfsmönnum sínum og viðskiptavinum eftirsóknarvert umhverfi til að lifa og starfa í.

Samhliða undirritunum kynnti Guðlaug María Lewis, menningarfulltrúi og verkefnastjóri hátíðarinnar, dagskrá Ljósanætur þar sem kennir ýmissa grasa. Alla dagskrá hátíðarinnar er að finna á vefnum Ljósanótt.is og þar má einnig sjá yfirlit yfir alla styrktaraðila hátíðarinnar.

Skráðu þinn viðburð strax í dag!

Tue, 22 Aug 2023 14:29:58 GMT

Ef þú ert með viðburð á Ljósanótt þá viljum við endilega birta hann í prentútgáfu Víkurfrétta í næstu viku.

Þú einfaldlega skráir viðburðinn inn á vefinn okkar ljosanott.is og við sjáum um að birta hann.

Mundu að gera þetta fyrir miðnætti laugardagsins 27. ágúst.,

Góð þátttaka í hugmyndaöflun á Ljósanótt

Wed, 16 Aug 2023 22:56:16 GMT

Ljósanæturnefnd óskaði eftir hugmyndum frá börnum varðandi dagskrá Ljósanætur 2023.

Bókasafn Reykjanesbæjar sá um að safna hugmyndum en hugmyndasöfnuninni lauk 8. ágúst síðast liðinn. Alls bárust um 60 svör sem voru fjölbreytt og skemmtileg. Börn voru fyrst spurð hvað þeim þótti skemmtilegast á síðustu Ljósanótt og svo hvað þau vildu hafa á dagskrá á Ljósanótt 2023.

Lang flest svörin innihéldu einhverskonar hugmyndir um tívolítæki og ljóst að tækin spila stórt hlutverk hjá börnum og ungmennum á Ljósanótt.

Ljósanæturnefnd vinnur nú að því að uppfylla eins margar óskir og hægt er en dagskrá Ljósanætur birtist smátt og smátt hér á vefnum ljosanott.is.

Verður þú með viðburð á Ljósanótt?

Wed, 09 Aug 2023 16:06:12 GMT

Allir þeir sem standa fyrir viðburðum á Ljósanótt eru hvattir til að skrá hann í viðburðadagskrá sem birtist hér á síðunni. Þannig birtist hann í heildardagskrá Ljósanætur. Það er einfalt að skrá viðburð.

Smellt er á "Skrá viðburð" hér efst í hægra horni síðunnar og allar upplýsingar um viðburðinn skráðar inn. Hægt er að setja inn upplýsingar á ensku einnig og eru allir hvattir til að gera það en það er þó ekki skilyrði. Merkja þarf við um hvers kyns viðburð er að ræða og einnig hvenær hann fer fram.

Mikilvægt er að senda inn mynd með öllum viðburðum.

Þegar viðburðurinn er klár til að senda inn er smellt í reitinn "Skrá viðburð." Ef allt hefur gengið upp birtast skilaboðin "Takk fyrir að senda inn viðburð" á skjánum.

Gangi ykkur vel!

Will you have an event on Night of lights?

Wed, 09 Aug 2023 14:19:38 GMT

All those who organize events at Night of lights are encouraged to register them in the event program that appears on this page. This is how he appears in the complete program of Night of lights. Registering an event is simple.

Click on "Register an event" in the top right corner of the page and enter all the information about the event. You can enter information in English as well and everyone is encouraged to do so, but it is not a requirement. It is necessary to mark the type of event and also when it will take place.

It is important to submit a photo with all events.

When the event is ready to be submitted, click on the field "Register event." If everything went well, the message "Thank you for submitting an event" will appear on the screen.

The event is then reviewed and approved and subsequently published on the website. This can take up to 24 hours so there's no reason to panic if an event doesn't appear as soon as it's submitted.

Good luck!

Do you have an idea for Night of Lights?

Mon, 31 Jul 2023 15:58:05 GMT

Preparations for Night of lights 2023 are now in full swing. The town of Reykjanesbær creates a setting for the festival with fixed events, but it is you who make the festival the wonderful thing it is. All the shows, the concerts and all kinds of diverse and fun events that spring up all over town during the Night of lights Weekend. This is in your hands.

The town of Reykjanesbær encourages all its residents, associations and companies to gear up and consider participating in Night of lights, which will take place August 31 - September 3. Now is the chance to implement your fun ideas and look for opportunities to do so. You can always have a conversation with us at Reykjanesbær by sending an email to ljosanott@reykjanesbaer.is Completed events must be entered on ljosanott.is and thus they will appear in the festival program. All the main information about the festival can also be found here on the Ljósanáter website.

Reykjanesbær is still in the clouds after the amazing Night of lights 2022. Everything was with us and everyone worked together to create a great festival, both residents and visitors, event organizers, service providers, sponsors and even the weather was at its most beautiful. There have never been so many people gathered at Night of lights, and it is estimated that over 30 thousand people were at the festival area at its peak.

Let's join hands to create a magnificent Night of Lights 2023!

Lumar þú á góðri hugmynd?

Mon, 31 Jul 2023 15:05:47 GMT

Nú er undirbúningur fyrir Ljósanótt 2023 kominn á fullt skrið. Reykjanesbær skapar hátíðinni umgjörð með föstum viðburðum en það eruð þið sem gerið hátíðina að því stórkostlega sem hún er. Allar sýningarnar, tónleikarnir og alls konar fjölbreyttar og skemmtilegar uppákomur sem spretta fram um allan bæ yfir Ljósanæturhelgina. Þetta er í ykkar höndum.

Reykjanesbær hvetur alla sína íbúa, félög og fyrirtæki til að setja sig í gírinn og huga að þátttöku í Ljósanótt 2023 sem fram fer 31. ágúst – 3. september. Nú er tækifærið til að hrinda skemmtilegu hugmyndunum ykkar í framkvæmd og leita að tækifærum til þess. Alltaf er hægt að taka samtalið við okkur hjá Reykjanesbæ með því að senda tölvupóst á ljosanott@reykjanesbaer.is Fullbúna viðburði skal skrá inn á ljosanott.is og þannig munu þeir birtast í dagskrá hátíðarinnar. Allar helstu upplýsingar um hátíðina er einnig að finna hér á Ljósanæturvefnum.

Reykjanesbær er enn í skýjunum eftir magnaða Ljósanótt 2022. Þar var allt með okkur í liði og allir tóku höndum saman um að skapa frábæra hátíð, bæði íbúar og gestir, skipuleggjendur viðburða, þjónustuaðilar, styrktaraðilar og meira að segja veðrið skartaði sínu allra fegursta. Aldrei hefur jafn margt verið saman komið á Ljósanótt og er talið að yfir 30 þúsund manns hafi verið á hátíðarsvæðinu þegar mest lét.

Tökum höndum saman um að skapa stórkostlega Ljósanótt 2023!

Óskað eftir hugmyndum barna á Ljósanótt

Wed, 28 Jun 2023 16:19:28 GMT

Börnum og ungmennum gefst kostur á að koma hugmyndum sínum varðandi dagskrá á Ljósanótt 2023 á framfæri.

Á Ljósanótt er meðal annars boðið upp á fjölbreytta skemmtidagskrá fyrir börn og ungmenni. Því hefur verið settur upp hugmyndakassi í Bókasafni Reykjanesbæjar þar sem börn og ungmenni geta sett hugmyndir sínar á blað og komið þeim til verkefnastjórnar Ljósanætur sem mun kappkosta að koma hugmyndum þeirra í framkvæmd.

Ljósanótt verður haldin 31. ágúst - 3. september næst komandi.

Við hvetjum öll til að fara með börn sín í Bókasafnið og taka þátt í hugmyndasöfnuninni sem stendur yfir til 8. ágúst.

Hyggst þú selja eitthvað á Ljósanótt?

Wed, 28 Jun 2023 09:08:42 GMT

Þeir einstaklingar og félagasamtök sem hyggjast vera með sölu af einhverju tagi á Ljósanótt 2023 eru vinsamlegast beðnir að hafa samband við umsjónarmann söluplássa á netfangið sala@ljosanott.is eða í síma 847 -2503 og tilkynna um þátttöku.

Leyfilegt er að vera með torgsölu frá fimmtudeginum 31. ágúst til sunnudagsins 3. september.

Uppfærðar upplýsingar um sölupláss verða birtar á næstu dögum.

Offer for the residents of Reykjanesbær in a fairground on Nights of lights

Wed, 31 May 2023 14:12:31 GMT

Updated:

Tariffs for Sprell play equipment will be over the whole weekend:

Single ticket 500 ISK.

Offer 1 - 10 tickets for ISK 4000.

Offer 2 - 20 tickets for ISK 7000.

Offer 3 - 30 tickets for ISK 9000.

Special offers for residents of Reykjanesbær in fairgrounds on Nights of lights will be on Thursday, September 1 between 17:00 and 20:00.

Sprell, who maintains the fairgrounds at the Nights of lights festival area, offers the residents of Reykjanesbær a special offer on tickets for their fairgrounds. Tickets can be purchased at the Sprell ticket booth at the festival site at a 50% discount.

The offers at Sprell are as follows and are for this one day only:

ISK 500 ticket

Offer 1 - 10 tickets for ISK 4000.

Offer 2 - 20 tickets for ISK 7000.

Offer 3 - 30 tickets for ISK 9000.

Taylors fair, which will be located next to the SBK building, also offers special offers for the residents of Reykjanesbær. Tickets for their devices can be purchased on offer in their sales shed.

The offers at Taylors are as follows and are for this one day only:

Offer 1 - 10 tickets for 4500 ISK.

Offer 2 - All inclusive for ISK 10,000: 18 tickets, 1 ticket for prize game, 1 ticket for candyfloss or popcorn

Offer 3 - 40 tickets for ISK 16,000

The hundredth customer gets 5 free trips worth ISK 10,000.

Public transport on Night of lights 2022

Wed, 31 May 2023 14:12:30 GMT

We encourage everyone to leave the car at home on Nights of lights and take advantage of the free Nights of lights bus.

Buses will run their normal routes on Nights of lights with a few exceptions.

Due to the introduction of Nights of lights on Thursday, September 1, all bus trips are canceled between 09:30 and 12:00.

From 4:00 p.m. on Friday, September 2, a special Light Bus will operate until 23:00 and instead of an exchange station in Krossmóa, you drive directly to the meeting point on Vesturbraut, where the festival area is about a two-minute walk away.

On Saturday, September 3, the Nights of lights bus runs between 12:00 and 16:00 and again between 19:00 and 24:00 Order service will be available for residents of Höfn.

The Nights of lights bus is free, it's Friday, September 2 from 16:00 until Saturday, September 3 at 24:00.

Ideal for families and groups to keep the fun going with a bus trip, and the youngest generation will appreciate it.

Nights of lights 2022 - Thank you!

Wed, 31 May 2023 13:57:10 GMT

It is believed that over 30,000 visitors took part in Ljósanótt, which finally took place after a three-year hiatus. It was no secret that people really enjoyed being able to get together again and it didn't spoil the fact that the weather gods were playing with their fingers throughout the festival.

Over a hundred events were to be found in the four-day event party, which lasted from Thursday to Sunday and offered something for everyone. It was also unique to see the collective power of all the individuals, associations and companies that hosted events and other programs or supported the festival in one way or another. Special thanks to all of them.

There is no question that the festival is a huge lever for our community in countless ways. Many thanks for your contribution and coming to Ljósanótt 2022. We will see you next year, but Ljósanótt will take place from August 31 to September 3, 2023.

Ljósanótt 2022 - Takk fyrir!

Tue, 28 Mar 2023 10:04:53 GMT

Talið er að yfir 30 þúsund gestir hafi tekið þátt í Ljósanótt sem fór nú loksins fram eftir þriggja ára hlé. Það leyndi sér ekki að fólk naut þess svo sannarlega að geta komið saman á nýjan leik og ekki spillti fyrir að veðurguðirnir léku við hvern sinn fingur alla hátíðina.

Á annað hundrað viðburði var að finna í fjögurra daga viðburðaveislu Ljósanætur sem stóð frá fimmtudegi til sunnudags og bauð upp á eitthvað fyrir alla. Þá var einstakt að sjá samtakamáttinn hjá öllum þeim einstaklingum, félögum og fyrirtækjum sem stóðu fyrir viðburðum og annarri dagskrá eða studdu við hátíðina með einum eða öðrum hætti. Öllum þeim eru færðar sérstakar þakkir.

Það er engin spurning að hátíðin er gríðarleg lyftistöng fyrir samfélagið okkar á ótal marga vegu. Kærar þakkir fyrir ykkar framlag og komuna á Ljósanótt 2022. Við sjáumst að ári en Ljósanótt fer fram 31. ágúst til 3. september 2023.

Tilboð fyrir íbúa Reykjanesbæjar í tívolítæki á Ljósanótt

Tue, 30 Aug 2022 11:39:54 GMT

Uppfært:

Gjaldskrá í Sprell leiktæki verða yfir alla helgina:

Stakur miði 500 kr.

Tilboð 1 - 10 miðar á 4000kr.

Tilboð 2 - 20 miðar á 7000kr.

Tilboð 3 - 30 miðar á 9000kr.

Sértilboð fyrir íbúa Reykjanesbæjar í tívolítæki á Ljósanótt verða fimmtudaginn 1. september á milli kl. 17:00 og 20:00.

Sprell , sem heldur úti tívolítækjum á hátíðarsvæði Ljósanætur, býður íbúum Reykjanesbæjar upp á sértilboð á miðum í tækin sín. Hægt er að kaupa miðana í miðasöluskúr Sprell á hátíðarsvæðinu á 50% afslætti.

Tilboðin hjá Sprell eru eftirfarandi og eru aðeins þennan eina dag:

500 kr miðinn

Tilboð 1 - 10 miðar á 4000kr.

Tilboð 2 - 20 miðar á 7000kr.

Tilboð 3 - 30 miðar á 9000kr.

Taylors tívolí , sem staðsett verður við hliðina á SBK húsinu, býður einnig upp á sérstök tilboð fyrir íbúa Reykjanesbæjar. Hægt er að kaupa miða í tækin þeirra á tilboði í söluskúr þeirra.

Tilboðin hjá Taylors eru eftirfarandi og eru einungis þennan eina dag:

Tilboð 1 - 10 miðar á 4500kr.

Tilboð 2 - Allt innifalið á 10.000kr: 18 miðar, 1 miði fyrir verðlaunaleik, 1 miði fyrir candyfloss eða poppkorn

Tilboð 3 - 40 miðar á 16.000kr

Viðskiptavinur númer hundrað fær 5 fríar ferðir að verðmæti 10.000kr.

Ljósanæturstrætó 2022

Tue, 30 Aug 2022 09:38:51 GMT

Við hvetjum alla til þess að skilja bílinn eftir heima á Ljósanótt og nýta sér ókeypis Ljósanæturstrætó.

Strætó mun aka sínar venjulegu leiðir á Ljósanótt með nokkrum undantekningum.

Vegna setningar Ljósanætur fimmtudaginn 1. september falla allar ferðir strætó niður á milli kl. 09:30 og 12:00.

Frá kl. 16:00 föstudaginn 2. september verður starfræktur sérstakur Ljósanæturstrætó til kl. 23:00 og í stað þess að skiptistöð verði í Krossmóa er ekið beint að söfnunarstað á Vesturbraut þar sem hátíðarsvæðið er í um tveggja mínútna göngufæri.

Laugardaginn 3. september gengur Ljósanæturstrætó á milli kl. 12:00 og 16:00 og aftur á milli kl. 19:00 og 24:00 Pöntunarþjónusta verður í boði fyrir íbúa í Höfnum.

Frítt er í Ljósanæturstrætó, það er föstudaginn 2. september frá kl. 16:00 til laugardagsins 3. september kl. 24:00.

Upplagt fyrir fjölskyldur og hópa að halda gleðinni gangandi með strætóferð auk þess sem yngsta kynslóðin kann vel að meta það.