Fréttir

Meðal þeirra breytinga sem verða á Ljósanæturhátíðinni í ár er að kvölddagskrá föstudagskvölds og kjötsúpa Skólamatar færast frá smábátahöfn í Gróf að gatnamótum Hafnargötu 30 og Tjarnargötu.

Undirbúningur Ljósanætur stendur nú sem hæst. Eins og fram hefur komið er stefnt að plastlausri Ljósanótt. Fyrirtækja- og verslunareigendur í Reykjanesbæ hafa brugðist vel við viðleitni bæjaryfirvalda og samtökin Betri bær hófu ásamt bæjarstjóra og Bókasafni Reykjanesbæjar átak sem miðar að plastlausri Ljósanótt. Markmiðið er að sauma 1000 taupoka í Bókasafni Reykjanesbæjar fyrir Ljósanótt.

Menningarráð Reykjanesbæjar samþykkti á síðasta fundi sínum að veita kr. 500.000 til styrkja til íbúa sem hefðu áhuga á að standa fyrir skemmtilegum viðburðum á Ljósanótt.

Í tilefni af 20 ára afmæli Ljósanætur hefur verið ráðist í gerð nýs upplýsingavefjar fyrir Ljósanótt sem nú hefur litið dagsins ljós.

Bryggjuskáldin efna til ljóðasamkeppninnar Ljósberinn á Ljósanótt.

Þeir einstaklingar og félagasamtök sem hyggjast vera með sölu af einhverju tagi á Ljósanótt 2019 eru vinsamlegast beðnir að hafa samband við umsjónarmann söluplássa á netfangið sala@ljosanott.is eða í síma 847 2503 og tilkynna um þátttöku. Leyfilegt er að vera með torgsölu frá fimmtudeginum 5. til sunnudagsins 8. september.