Fara í efni

Hópakstur bifhjóla og glæsikerra

Hópakstur 2022

Mikilvægar upplýsingar til ökumanna
Glæsikerrur
Akstur glæsikerra niður Hafnargötu. Bílarnir safnast saman á milli kl. 14.00 – 15.00 við Aðalstöðina. Ekið verður undir eftirliti lögreglu og björgunarsveita. Sjá reglur hér að neðan.

Reglur vegna hópaksturs á Ljósanótt.
Reglurnar eru settar til að tryggja öryggi bæði þátttakenda og áhorfenda vegna hópaksturs.
Skrá þarf bíl og ökumann hjá ábyrgðarmönnum til að öðlast þátttökurétt í hópakstrinum.
Ábyrgðarmenn eru:
Gunnar Gunnarsson, 695-5571
Magnús Magnússon, 869-6326, maggihotrod@hotmail.com
Sævar Pétursson, 664-0395,
Þorgrímur St. Árnason, sími 860-5250, toggi@shelby.is

Bifreiðar þurfa að vera skráðar, skoðaðar og uppfylla reglur um gerð og búnað ökutækja.
Skráningu þátttakenda lýkur á hádegi 1. september n.k.
Fundur með ábyrgðarmönnum hópaksturs og ökumönnum skal haldinn á safnplani áður en hópakstur hefst þar sem farið verður yfir nefndarreglur vegna hópaksturs. Ökumenn bifreiða skulu fylgja bendingum lögreglu og björgunarsveitarmanna í hvívetna á meðan á hópakstri stendur.

Ökumenn skulu fylgja almennum umferðarreglum, nema er varðar hámarkshraða. Hámarkshraði skal ekki fara yfir 15-20 km/klst. á meðan á hópakstri stendur. Halda skal jöfnum hraða og bili milli bifreiða í hópakstrinum. Óheimilt er að stöðva bifreiðina nema, eftir bendingu lögreglu/björgunarsveitarmanna eða ef skyndileg hætta skapast. Tilmælum er beint til ökumanna að þeir aki með fullri aðgát og taki tillit til áhorfenda.

Brot á reglum þessum getur leitt til útilokunar á akstri á Ljósanæturhátíð í framtíðinni.

Bifhjól
Verið öll velkomin í árlega hópkeyrslu Bifhjólaklúbbsins ARNA á LJÓSANÓTT laugardaginn 3. september.
Hópurinn hittist á planinu hjá OLÍS / ÓB í Njarðvík kl. 13.00 - 15.00. Olísmenn bjóða í pylsur og kók eins og venja hefur verið á undan hópkeyrslunni.
Hópkeyrslan leggur af stað kl. 15.00 og endar á planinu í Grófinni, þar sem hjólunum er raðað skipulega niður.
Mótorhjólafólk þarf að skrá sig á Facebook síðu Arna √ Mæti.

ALLIR VELKOMNIR - endilega deilið þessu.