Það verður enginn svikinn af gómsætri íslenskri kjötsúpu sem Skólamatur býður gestum Ljósanætur upp á að vanda. 

Athugið að súpan verður staðsett við íþróttahúsið á Sunnubraut þar sem tónleikar fara fram í B-salnum í skjóli frá veðri og vindum.

 Hvað er betra en að gæða sér á geggjaðri kjötsúpu og hlusta á flotta tónleika?

Á föstudag snúum við á veðurguðina og gerum ótrúlega spennandi breytingu á dagskrá Ljósanætur. 

Það verður boðið upp á sannkallaða tónlistarveislu og skemmuupplifun í B sal íþróttahússins við Sunnubraut 34. Skólamatur býður í súpu frá kl. 18-20 og eftirfarandi aðilar koma fram á sviðinu:

Úrslit úr Hæfileikakeppninni

Sissa - sigurvegari í Söngvakeppni Framhaldsskólanna 2023

Kósýbandið

Sigga Beinteins og Grétar Örvarsson

Midnight Librarian

Páll Óskar

DEMO

Heimatónleikar í Gamla bænum verða föstudagskvöldið 1. september í sjöunda skiptið! 

Búið er að ráða frábæra listamenn sem koma fram á nokkrum heimilum í Reykjanesbæ og spila fyrir almenning ýmist úti á palli eða inni í stofu gestgjafanna. 

Tónleikarnir hefjast í öllum húsunum kl. 21.00 og verða endurteknir kl. 22.00. 

Fólk gengur á milli húsa og ættu allir að finna eitthvað við sitt hæfi fyrir utan hvað það skapast alltaf skemmtileg stemning í húsunum.  

Listafólkið sem kemur fram í ár er eftirfarandi: 

Sigga og Grétar KK, Lay Low, Heiðar úr Botnleðju, Mugison og Hreimur Örn Heimission  

Uppselt er á tónleikana! 

ATHUGIÐ að vegna veðurs hafa tónleikarnir verið færðir inn í Stapa. Að öðru leiti helst dagskrá og tímasetningar. Húsið opnar kl. 19:30 og tónleikar byrja stundvíslega kl. 20.30“

Dagskráin samanstendur af frábærum listamönnum! 

Breiðbandið  20 ára, hitar upp af sinni alkunnu snilld, hin frábæra Una Torfa  flytur sín bestu lög, Björn Jörundur  kveikir í tónleikagestum eins og honum einum er lagið og hljómsveitin Hjálmar lýkur kvöldinu með glæsibrag.

Uppselt er á tónleikana.

Árgangagangan verður að sjálfsögðu á sínum stað í ár enda einn af hápunktum hátíðarinnar.

Líkt og áður færist mætingarstaður í gönguna niður um 20 húsnúmer, til dæmis sá sem er fæddur árið 1950 mætir nú við Hafnargötu 30.  

Árgangur ´01 og yngri hittast við 88 húsið.

Boðið verður upp á fjölbreytta barnadagskrá í Skrúðgarðinum í Keflavík. 

Öll dagskrá í garðinum verður börnum að kostnaðarlausu.

Birt með fyrirvara um að veðrið verði gott :)

11:30-16:30 Hoppukastalaland (ef veður leyfir)

13:30-15:30 Andlitsmálning inni í Bókasafni Reykjanesbæjar

14:30-16:30 Hestar

Dagskrá á sviði:

15:00 - 15:30 Danskompaní

15:45 - 16:15 Kósýbandið með krakkapartý

16:30 - 17:00 Leikhópurinn Lotta

BMX brós eru þekktir fyrir frábærar sýningar á flottu BMX hjólunum sínum. 

Þeir leika listir sínar á Vesturgötunni nær hringtorginu á Hafnargötunni. Áhorfendur eru hvattir til að fá sér sæti í grasinu og njóta frábærrar sýningar og spjalla við snillingana í BMX brós!

Viðburðurinn er ókeypis og öll velkomin!

Í framhaldi af árgangagöngu tekur við dagskrá á aðalsviði.

Stórsveit Suðurnesja tekur á móti göngunni.

Kjartan Már Kjartansson, bæjarstjóri, býður gesti velkomna

Heimsmeistarar heiðraðir

Trúbadoradúettinn Heiður heldur uppi stemningunni þar til hópakstur ekur fram hjá aðalsviði.

Glæsikerrur munu efna til hópkeyrslu á Ljósanótt líkt og hefð er fyrir. 

Akstursleiðin í ár er þó breytt en hersingin ekur niður frá N1 niður Víkurbraut, Hrannargötu og svo Ægisgötu fram hjá aðalsviðinu og verður bílum lagt aftan við Duus Safnahús og bifhjólum fyrir neðan Duus Safnahús, við smábátahöfnina til að gleðja gesti og gangandi.

Ljósanótt nær hápunkti sínum á stórtónleikum á aðalsviði á laugardagskvöldi Ljósanætur.

Birt með fyrirvara um tímasetningar geta breyst.

20:00 - Loveguru

20:10 - Daniil

20:30 - Bríet 

21:00 - Friðrik Dór

21:30 - Írafár

22:00 - Bjartasta flugeldasýning landsins

22:00 - Emmsjé Gauti

Ljósanótt nær sannkölluðum hápunkti þegar flugeldar lýsa upp næturhimininn á laugardagskvöldi Ljósanætur. 

Strax að sýningunni lokinni verða ljósin á berginu kveikt sem lýsa okkur í gegnum vetrarskammdegið.

Tónlistardagskrá heldur svo áfram að flugeldasýningu lokinni. 

Það er Björgunarsveitin Suðurnes að vanda sem sér um framkvæmd sýningarinnar.

Vilt þú fá flott andlitsmálningu í tilefni Ljósanætur? 

Andlitsmálnginin verður færð inn í Bókasafn Reykjanesbæjar.

Blásið verður til Hátíðar í Höfnum á ný á Ljósanótt með fjölbreyttri dagskrá sunnudaginn 3. september.

Það verður ýmislegt skemmtilegt á boðstólum í ár eins og áður. Í Kirkjuvogskirkju verða tónleikar með hljómsveitinni Góss og Elízu Newman. Kaffisala í Skólanum. 

Gísli Pálsson mannfræðingur og rithöfundur flytur erindið: Varð aldauðinn til í Höfnum? 

Sýning Aldísar Yngvadóttur opnar föstudaginn 1. september á Ragheiðarstöðum og verður opin alla helgina.

13:00-18:00  Kaffisala í Skólanum. Allur ágóði rennur í viðhaldssjóð Kirkjuvogskirkju.

13:00-17:00  Sýning á keramikmunum og olíumálverkum eftir listamanninn Aldísi Yngvadóttur. Ragnheiðarstaðir í Höfnum. Sýningin opnar kl. 17, 1. september og er opin til kl. 17. sunnudaginn 3. september.

14:00-15:00 Varð aldauðinn til í Höfnum? Gísli Pálsson mannfræðingur og rithöfundur rekur forvitnilega sögu síðustu geirfuglanna. Gísli telur að dvöl ensku náttúrufræðinganna John Wolley og Alfred Newton í Höfnum sumarið 1858 hafi lagt grunninn að hugmyndum um aldauða dýrategunda af manna völdum. Hvað skyldi vera hæft í því?

Gísli Pálsson er meðal annars kunnur fyrir rit sín um umhverfismál og norðurslóðir, sem og verðlaunabókina Hans Jónatan: maðurinn sem stal sjálfum sér. Árið 2020 kom út bók hans um Geirfuglinn, Fuglinn sem gat ekki flogið. Hún er væntanleg á ensku uppúr áramótum (The Last of Its Kind), mjög endurbætt.

16:00-17:30 Tónleikar í Kirkjuvogskirkju. Menningarfélag Hafna kynnir hljómsveitina GÓSS (Sigurður Guðmundsson, Sigríður Thorlacius og Guðmundur Óskar) sem fagna Ljósanótt og verða með tónleika sunnudaginn 3.september í Kirkjuvogskirkju í Höfnum. Hljómsveitin GÓSS hefur slegið í gegn með tónleikum sínum um land allt en þetta eru þetta fyrstu tónleikar þeirra í Höfnum á Reykjanesi. Á tónleikum GÓSS verður boðið upp á létt og skemmtilegt prógramm þar sem aðalmarkmiðið er að skapa hugljúfa og notalega stund fyrir tónleikagesti í fallegu kirkjunni í Höfnum. Eins og fyrri ár þá byrjar Elíza Newman tónleikana með nokkrum lögum af nýjustu breiðskífu sinn Wonder Days sem fengið hefur frábærar viðtökur og er einmitt tekin upp í Höfnunum. Miðaverð er 3500 kr og fer eingöngu fram á Tix.is

Komið og klárið Ljósanótt á hugljúfum tónleikum í Kirkjuvogskirkju.

Verið velkomin í Hafnirnar!

Sýning á keramikmunum og olíumálverkum eftir listamanninn Aldísi Yngvadóttur. 

Tilvalið að fá sér bíltúr í Hafnir, eina ef perlum Reykjanesskagans. 

Kjallarinn á Ragnheiðarstöðum verður baðaður ljósi og smekkfullur af fjölbreyttum verkum.

Starfsfólk Ráðhússins býður til söngstundar í Ráðhúsinu  fimmtudaginn 31. ágúst kl. 12:15 til 12:45.

Bæjarstjórinn stýrir stundinni og dregur vafalaust upp fiðluna góðu en hann sendir út boð til allra aflögufærra hljóðfæraleikara um að mæta á staðinn og „djamma“ með. Við hin sem ekki getum spilað syngjum með eins og enginn sé morgundagurinn.

Söngtextar munu liggja frammi svo það er bara að mæta á staðinn og njóta stundarinnar.

Öll velkomin á meðan húsrúm leyfir.

Kór Keflavíkurkirkju ásamt hljómsveit flytur U2 messu sunnudaginn 3. september nk. í tilefni af Ljósanótt. 

Kórmeðlimir syngja einsöng og dúetta. Kórmeðlimir hafa auk þess samið nýja texta með trúlegu ívafi við lög U2.

Arnór B. Vilbergsson hefur á sinn snilldarlega hátt útsett lögin og sér um stjórnun.

Hljómsveit skipa:
Sólmundur Friðriksson bassi
Þorvaldur Halldórsson Trommur
Þorvarður Ólafsson Gítar

Frítt inn og öll hjartanlega velkomin.

Handverkstjaldið undir bárujárnsþak

Hið margrómaða handverkstjald flyst undir bárujárnsþak þessa Ljósanótt þar sem ekki er útlit fyrir gott veður til að tjalda. Við deyjum þó ekki ráðalaus heldur færum handverksmarkaðinn inn í SBK húsið í Grófinni 2.  Þar lofum við frábærri markaðsstemningu.

Tjald handverksfólks verður á sínum stað líkt og venjulega á Ljósanótt. 

Í handverkstjaldinu er seldur allskyns varningur handverksfólks en tjaldið verður opið alla helgina. 

Tufti er risastórt tröll sem mun heiðra okkur með nærveru sinni á Ljósanótt. Hann verður á vappi um hátíðarsvæðið frá kl. 14:30-16:30 á laugardeginum.

Ávallt er mikið um dýrðir seinnipart fimmtudags og fram á kvöld þegar listsýningar opna hver á fætur annarri víðs vegar um bæinn.

Mikil stemning skapast í bænum á þessu kvöldi, verslanir eru með góð tilboð og heimamenn og þeirra gestir flykkjast á sýningarnar og eiga saman frábæra kvöldstund. Sýningarnar standa svo opnar fram á sunnudag.

Elísabet Ásberg List.

Hlakka til að taka á móti ykkur í sögulega Fischerhúsinu að Hafnargötu 2.

Reykjanesið hefur lengi verið eins konar draumaland tónlistarfólks, staður sem alið hefur af sér tónlistarmenn, konur og kvár sem sett hafa einstakan svip á íslenskt tónlistarlíf með lagasmíðum sínum og flutningi.

Söngkonan Marína Ósk Þórólfsdóttir, sem fædd er og uppalin í Keflavík, snýr aftur til heimahaga sinna og efnir til tónleika í Hljómahöll á Ljósanótt. Efnisskráin skartar lögum úr ríkum tónlistararfi Reykjanesbæjar, tónlist frá heimafólki á borð við Gunnar Þórðarson, Magnús Kjartansson, Shady Owens, Valdimar og Marínu sjálfa.

Menningararfurinn sem frá svæðinu kemur er stórríkur af fallegum sönglagaperlum og í undirbúningi tónleikanna hefur Marína kynnst lögunum náið með sínu eigin tónlistarhjarta.

Marína Ósk mun sjálf sjá um allan tónlistarflutning: syngja og leika undir á gítar og píanó. Lögin verða flutt í hennar eigin útsetningum og getum við því átt von á að heyra lögin sem okkur þykir öllum vænt um í glænýjum sparifötum. 

Tónleikarnir verða haldnir í Bergi í Hljómahöll Keflavíkur; heimili íslenska Rokksafnsins og Tónlistarskóla Reykjanesbæjar. VIðburðurinn nýtur styrks Menningarsjóðs Reykjanesbæjar.

Um Marínu Ósk

Marína Ósk er rísandi stjarna í íslensku tónlistarlífi. Hún hefur gefið út tvær sólóplötur og hlaut nýverið Íslensku tónlistarverðlaunin 2023 fyrir tónverk af nýjustu plötu sinni, One Evening in July, en tónlist hennar hefur verið streymt meira en milljón sinnum á streymisveitum. Hún vinnur um þessar mundir að næstu plötu sinni, ásamt því að koma fram á tónleikum og kenna söng við tónlistarskóla FÍH.

Duus handverk selur fallegt Íslenskt handverk frá 25 listamönnum. Í tilefni af Ljósanótt verðum við með 10% afslátt af vörunum okkar. 

Við erum með fjölbreytt úrval af handverki og auðvelt að finna minnistæða gjöf.

Verið velkomin  🥰

Föstudaginn 1. september kl. 16.30 stígur á stokk Jazzbandið Þríó í Miðju Bókasafnsins.

Sveitina skipa;  Jón Böðvarsson - Saxófón, Karl Snorri Einarsson - Bassi og Sigurður Baldvin Ólafsson - Gítar.

  Ekkert kostar á viðburðinn og öll velkomin á viðburðinn, háir sem lágir :)

Hljómahöll hefur ákveðið að endurvekja tónleikaröðina Trúnó en tónleikaröðin hefur haldið sig til hlés frá því að heimsfaraldurinn skall á. 

Á trúnó-tónleikum í Hljómahöll fá gestir að upplifa mikla nánd við listamennina. Tónleikarnir fara fram í Bergi sem rúmar um 100 gesti og er þó engu til sparað þegar kemur að hljóðgæðum eða lýsingu á tónleikunum. Mætti jafnvel lýsa þeim sem stórtónleikum í litlum sal. 

Sú hljómsveit sem ríður á vaðið ætti að vera bæjarbúum og öllum landsmönnum kunnug en það er hin frábæra hljómsveit Valdimar. 

Sveitin mun koma fram á tvennum tónleikum miðvikudagskvöldið 30. ágúst og fimmtudagskvöldið 31. ágúst á meðan Ljósanótt stendur yfir en þetta verður í fyrsta sinn sem sveitin kemur fram á tónleikaröðinni. 

Á fyrri trúnó-tónleikum sveitarinnar mun hljómsveitin leika öll lögin af plötunni sinni Undraland sem kom út árið 2010. Á seinni tónleikum sveitarinnar mun hljómsveitin taka fyrir plötuna Um stund sem kom út árið 2012. 

Húsið opnar kl. 19:00 og tónleikar hefjast kl. 20:00.

Söng- og leikkonan Jana María leiðir áhorfendur í gegnum tónlistina sem tengdi Suðurnesin við veru Varnarliðsins ásamt píanóleikaranum Vigni Þór Stefánssyni. 

Nærvera bandaríska hersins á Keflavíkurflugvelli hafði óneitanlega áhrif á líf og störf Suðurnesjamanna á seinni hluta síðustu aldar. Menningin í Keflavík tók stórum breytingum, ekki síst tónlistarlega, því herinn þurfti jú hljómsveitir og íslenskar söngkonur til að koma fram á klúbbunum.

Á efnisskrá má meðal annars finna tónlist þekkta í flutningi Burt Bacharach, Ellýjar og Villa Vill, Frank Sinatra, Caterina Valente, Hljóma og fleiri. 

Hlý og notaleg kvöldstund með Jönu Maríu og Vigni Þór í Stapa, fimmtudagskvöldið 31.ágúst kl.20. Miðaverð 4300, miðasala á tix.is.

Í þessari listasmiðju gefst gestum og gangandi tækifæri á því að taka þátt á seinustu listasýningu Gallerý Grind sumarið 2023. 

Fyrir utan galleríið er aðstaða fyrir gesti til þess að skapa sín listaverk sem síðan eru hengd upp í galleríinu sjálfu þegar verkinu hefur verið lokið. Efni og áhöld eru á staðnum frí til notkunar og sömuleiðis verður listamaður á svæðinu til aðstoðar.

Samhliða listasmiðjunni verður hoppukastali og leikir í boði fyrir fjölskyldur og gesti. Einnig er setuaðstaða þar sem hægt er að slaka á og sötra á kaffi eða svala.

Keflvíkingurinn Marta Eiríksdóttir, rithöfundur og jógakennari, kynnir nýjustu bók sína með upplestri og spjalli. 

Þetta er önnur útgefna bók höfundar á þessu ári en Marta gaf út ástarsögu í maíbyrjun. Nýjasta bók Mörtu er handbók, einskonar leiðarvísir fyrir gyðjur sem vilja bæta líf sitt. 

Báðar bækurnar verða á sérstökum kynningarafslætti þennan dag. 

Fimmtudaginn 31. ágúst kl. 17.30 verður formleg opnun á sýningu sem ber heitið Horfin hús – Horfinn heimur í Átthagastofu Bókasafnins.

Á  sýningunni má finna ljósmyndir af gömlum húsum og mannlífi á slóðum þar sem Bókasafnið er til húsa í dag, heimur sem er ýmist horfinn eða á hröðu undanhaldi nýrra tíma.

Óhætt er að segja að húsin segja sögu sem líkur aldrei meðan þau standa og minnig þeirra lifir í ljósmyndunum sem varðveittar eru. Myndirnar eru í eigu Byggðasafns Reykjanesbæjar og við hvetjum bæjarbúa til að bæta við upplýsingum ef þeir þekkja til, því eitthvað af upplýsingum vantar við ljósmyndirnar.

Áhugaverð sýning sem þú mátt alls ekki láta fram hjá þér fara!

Sundlaugapartý fyrir 5.-7. bekk verður í Vatnaveröld á fimmtudeginum á Ljósanótt klukkan 18:30-20:00. 

Þrautabraut sundlaugarinnar verður opin öllum og glaðningur verður í boði fyrir öll sem mæta. 

Ljóðagjörningur kl. 17.00 í Miðju bókasafnsins. „Allir eiga sér sögu. Öll búum við yfir kærleika og höfum upplifað ástir og sorgir, hamingju og gleði.“

Eyrún Ósk Jónsdóttir flytur ljóð úr ljóðabók sinni Í svartnættinu miðju skín ljós við trommundirleik Akeem Richards sem spilar á afrískar trommur. Öll ljóðin byggja á persónulegum frásögnum fólks. Verkið er seiðandi og áhrifamikið og fjallar um málefni samtímans.  Gjörningurinn tekur um 20 mínútur.

Öll velkomin og aðgangur er ókeypis.

Hvar: Bókasafn Reykjanesbæjar | Miðjan

Hvenær: 31. ágúst kl. 17.00

Eyrún Ósk Jónsdóttir á að baki feril sem rithöfundur, leikari og friðarsinni.
Akeem Richard er þekktur hér á landi fyrir þátttöku sína úr stjórnmálum, menningarviðburðum, fjölmenningarviðburðum og fyrir störf sín í þágu fjölmenningar. 

Ókeypis viðburður!

Heimur skilningavitana mun opnast fyrir þau yngstu á Ljósanótt, skynjunarbraut úr ýmsum efnum og áferð. 

Börnin geta orðið smá skítug í skynjunarbrautinni. 

Einnig verða sápukúlur og litríkur blöðrudýragarður .

Hið árlega morgunverðarhlaðborð körfunnar verður haldið í Blue Höllinni á Sunnubraut milli 10:00 og 13:00 laugardaginn 2. september. Gómsætur matur á góðu verði.

Fullorðnir - 3.000 kr.

12 ára og yngri - 1.000 kr.

Hæfileikakeppni er viðburður sem Reykjanesbær í samstarfi við Leikfélag Keflavíkur heldur fyrir börn í 3. - 10. bekk í grunnskólum bæjarins. 

Forkeppni fer fram dagana 29. og 30.ágúst þar sem hluti fer áfram í úrslit sem fara fram á sviðinu á Tjarnargötutorgi föstudaginn 1. september.
 

Hægt er að keppa með einstaklingsatriði eða í hóp með allt að 5 manns. Atriðið má vera allt að 3 mínútur að lengd og má vera hvernig atriði sem er. Mikilvægt er að vera með vel æft atriði!

Ef þú lumar á geggjuðum hæfileikum hvetjum við þig til að skrá þig. 

Ef þú þekkir einhvern sem ætti að taka þátt þá endilega bentu á keppnina og hvettu til þátttöku.

Skráningu lýkur sunnudaginn 27. ágúst!

Allar nánari upplýsingar má fá á netfanginu

Frábæru flamingoknaparnir taka þátt í árgangagöngunni til að gleðja gesti og gangandi.

Götuleikhúsnámskeið Leikfélags Keflavíkur þar sem farið verður í kennslu á helstu sirkusáhöldum, t.d. stultum, sem mun nýtast í götuleikhúsi t.d. á Ljósanótt. 

Námskeiðið verður miðvikudaginn 30.ágúst kl.19:00-21:00.   

Allir eldri en 13 ára velkomnir (fæddir 2010 og fyrr). Frítt inn!   

Takmarkað pláss! Fyrstur kemur, fyrstur fær! Við hvetjum alla áhugasama til að mæta! :) 

Á sýningu Gunnhildar Þórðardóttur, Bland í poka, á Ljósanótt 2023 eru bæði tví- og þrívíð verk og ný verk í bland við gömul. Auk þess mun listamaðurinn vera með ljóðabækur sem hún hefur gefið út og lesa vel valin ljóð.  

Listaverk Gunnhildar fjalla oft um heimspekileg fyrirbæri en í listaverkum sínum túlkar hún vangaveltur sínar um lífið og tilveruna auk þess sem hringrásarhagkerfið hefur alltaf verið ofarlega á baugi í hennar verkum enda mikill umhverfissinni. 

Öll verkin á sýningunni eru einnig gerð úr afskurði úr hinum ýmsa efniviði t.d. timbri eða úr hlutum sem fá nýtt hlutverk s.s. gömul húsgögn eða listaverk. 

Allir velkomnir.

Setning Ljósanætur 2023 verður haldin í Skrúðgarðinum í Keflavík.

Elstu nemendur í leikskólum Reykjanesbæjar ásamt nemendum í 3. bekk og 7. bekk í grunnskólum Reykjanesbæjar eru viðstödd setninguna.

Dagskrá

Ljósanæturfáninn dreginn að húni

Kjartan Már Kjartansson setur hátíðina

Friðrik Dór kemur öllum í Ljósanæturstuð!

Menningarfélag Hafna kynnir hljómsveitina GÓSS (Sigurður Guðmundsson, Sigríður Thorlacius og Guðmundur Óskar) sem fagna Ljósanótt og verða með tónleika sunnudaginn 3.september í Kirkjuvogskirkju í Höfnum.

Hljómsveitin GÓSS hefur slegið í gegn með tónleikum sínum um land allt en þetta eru þetta fyrstu tónleikar þeirra í Höfnum á Reykjanesi. Á tónleikum GÓSS verður boðið upp á létt og skemmtilegt prógramm þar sem aðalmarkmiðið er að skapa hugljúfa og notalega stund fyrir tónleikagesti í fallegu kirkjunni í Höfnum.

Eins og fyrri ár þá byrjar Elíza Newman tónleikana með nokkrum lögum af nýjustu breiðskífu sinn Wonder Days sem fengið hefur frábærar viðtökur og er einmitt tekin upp í Höfnunum.

Miðaverð er 3500 kr og fer eingöngu fram á Tix.is

Komið og klárið Ljósanótt á hugljúfum tónleikum í Kirkjuvogskirkju.

Allur ágóði af tónelikunum rennur til viðhalds og varðveislu Kirkjuvogskirkju.

Akríl málverk af konum eftir Halldóru Sif

Sigga Beinteins og Grétar Örvars koma öllum í Ljósanæturstuð á Kjötsúpusviðinu

Loksins eftir langa bið er Ljósanætur Hjöbbquiz Dr. Football mætt aftur á Paddy's. 

3 saman í liði, glæsilegir vinningar í boði Egils Gull fyrir hverja lotu og dregið úr skorkortum. 

Borðapantanir á Stubb appinu.

https://stubb.is/events/b86v8y 

Duus Safnahús iða af lífi alla Ljósanæturhátíðina með fjölbreyttum sýningum og uppákomum.

Nýir tónleikar hefjast á hálftímafresti allan laugardaginn og þar koma fram okkar glæsilegu menningarhópar, kórar, söngsveitir og fleira listafólk.

Kl. 14:30  Félag harmonikuunnenda í Gryfju

Kl. 15:00  Kvennakór Suðurnesja í Bíósal

Kl. 15:30  Söngsveitin Víkingar í Gryfju

Kl. 16:00  Karlakór Keflavíkur í Bíósal

Kl. 16:30  Alexandra Chernyshova, Aríur úr óperunni „Skáldið og Biskupsdóttirin“ í Bíósal

Egils Gull og Rico Promosh kynna: Aron Can á Paddy's. 

Danni Deluxe þeytir skífum inn í nóttina þegar Aron klárar. 

Miðaverð 3.500k í forsölu, 4.500kr við hurð. 

Miðasala hefst í Stubb appinu miðvikudaginn 23. ágúst. 

https://stubb.is/events/ndj1Vo 

Ljósmyndasýning eftir Þórdísi Erlu Ágústsdóttur

Of ung fyrir krabbamein? Frásögn um baráttu Sóleyjar

Þórdís Erla ljósmyndari og Sóley Björg flugmaður og flugkennari hjá Atlanta, ættuð frá Suðurnesjunum, taka á móti ykkur á opnun ljósmyndasýningar sem hefur farið hringferð um Ísland og verður sýnd í síðasta skiptið á Ljósanótt! Ljósmyndasýningin varð til í samvinnu þeirra tveggja og Brakkasamtakanna. 

Sóley Björg Ingibergsdóttir greindist með brjóstakrabbamein aðeins 26 ára gömul. Sóleyju datt í hug að athuga hvort hún hefði BRCA2 meinvaldandi breytingu sem eykur líkur á krabbameini þegar Íslensk erfðagreining opnaði aðgang að þeim upplýsingum. Hún var 25 ára á þessum tíma og ekki þekkt áhætta um krabbamein í fjölskyldu Sóleyjar. Í kjölfar niðurstöðu greiningarinnar um að vera BRCA arfberi hélt Sóley að hún myndi byrja í reglulegu eftirliti en var sagt að hafa ekki áhyggjur og koma aftur eftir fimm ár. Tæpum tveimur árum síðar finnur Sóley Björg sjálf hnút í brjóstinu og greinist í kjölfarið með brjóstakrabbamein. Hún undirgengst lyfjameðferð, tvöfalt brjóstnám og geislameðferð. 

Ljósmyndasýningin er haldin til vitundarvakningar fyrir bæði almenning og þá sem ákveða umgjörð og stefnu heilbrigðiskerfisins fyrir fólk með meinvaldandi breytingu. Hér er fjallað um unga konu sem samkvæmt innsæi sínu fór í það að sækjast eftir athugun á því hvort hún væri með BRCA breytingu í geni og greinist í kjölfarið með krabbamein. Markmiðið með sýningunni er að vekja athygli á stöðu arfbera. Einnig að upplýsa og fræða og hvetja til áframhaldandi umræðu og rannsókna á sviðinu. Síðast en ekki síst er markmiðið að vekja athygli á arfgengum krabbameinum á Ísland og mikilvægi erfðaprófunar og þekkingu um breytingar sem valda aukinni áhættu. 

Myndefni ljósmynda sýningarinnar er dramatískt og það er ekki reynt að komast hjá því þar sem ætlunin er að undirstrika það hvernig lífið með BRCA getur umbylt lífi fólks. Sóley Björg er hugrökk ung kona sem er tilbúin til að segja og sýna sögu sína til að vekja athygli á þessu mikilvæga málefni.

Margir byrja þátttöku á Ljósanótt með stæl með því að drekka í sig menninguna á opnun sýninga Listasafns Reykjanesbæjar og Byggðasafns Reykjanesbæjar í Duus Safnahúsum á fimmtudegi Ljósanætur. Í framhaldi tekur fólk rúntinn upp alla Hafnargötu og skoðar fjölbreyttar sýningar í fjölbreyttum sýningarrýmum.

Endurlit - Linda Steinþórsdóttir

Í tilefni Ljósanætur 2023 opnar sýning Lindu Steinþórsdóttur, Endurlit/Hindsight, í Bíósal Duus Safnahúsa í samstarfi við Listasafn Reykjanesbæjar.

Sýningaropnun: Eins manns rusl er annars gull

Hvað eiga pennar, plastpokar, bíóprógrömm, servíettur og eldfæri sameiginlegt? 

Þetta eru allt smáhlutir sem hafa verið framleiddir með ákveðið notagildi í huga. Þegar þeir hafa lokið hlutverki sínu enda þeir oftar en ekki í ruslinu. Til eru þeir sem hafa þó einsett sér að safna slíkum hlutum með það markmið að eignast sem flesta og af mismunandi gerðum. Á sýningunni má sjá smáhluti sem hafa borist Byggðasafni Reykjanesbæjar sem heildstæð einkasöfn eða hluti af öðrum gjöfum. 

Veltibíllinn verður staðsettur á Tjarnargötunni fyrir framan Bústoð og Fernandos.

Ókeypis - og allir velkomnir!

Veltibíllinn er í boði Sjóvá!

Lára og Ljónsi syngja og skemmta börnum í Stapa í Hljómahöll.

Að skemmtun lokinni hefst dagskrá í Skrúðgarðnum í Keflavík.

Menningarfélagið Bryggjuskáldin efnir til ljóðasamkeppni á Suðurnesjum í tilefni af Ljósanótt.

 Vinningsljóðin úr keppninni verða tilkynnt föstudaginn 1. september kl. 16.00 í Miðju Bókasafnsins. Á sama tíma fer fram verðlaunaafhending. Öll velkomin og viðburðurinn er ókeypis.

 Reglur keppninnar eru einfaldar: Innsent ljóð má ekki hafa birst áður og æskilegt er að það fjalli um Suðurnesin á einn eða annan hátt.
Veitt verða verðlaun fyrir besta ljóðið að mati dómnefndar og auk þess fá tvö ljóð í viðbót viðurkenningu.
Í dómnefnd sitja skáldin: Anton Helgi Jónsson, Ragnheiður Lárusdóttir, Guðmundur Magnússon, Gunnhildur Þórðardóttir og þýðandinn Helga Soffía Einarsdóttir.
Ljóðin skal merkja með dulnefni ásamt nafni, heimili, netfangi og símanúmeri höfundar í öðru lokuðu umslagi með sama dulnefni merkt „Ljósberinn“ til Bókasafns Reykjanesbæjar, Tjarnargötu 12, 230 Reykjanesbæ.

 Skilafrestur rennur út 28. ágúst. Einnig má senda ljóðin ásamt upplýsingum um höfund á netfangið: Stefania.Gunnarsdottir@Reykjanesbaer.is ef það hentar betur. 

Frekari upplýsingar veitir Guðmundur Magnússon gudmundur@steinbogi.is

Keflvíkingurinn og DJ-inn Ragga Holm þeytir skífum á svölum við Hafnargötu 27a og heldur gestum og gangandi í góðu stuði.

Midnight Librarian  spilar á kjösúpusviðinu frá kl. 19:00-19:30 

Páll Óskar kemur fram á kjötsúpusviðinu og kemur öllum í sannkallað Ljósanæturstuð!

Ljósanæturmeistrinn í pílukasti!

Spilað verður 501.

Bæði karla- og kvennariðlar.

kr 1500. 

Verðlaun fyrir efstu 4 sætin.

Pílufélag Reykjanesbæjar er á Keilisbraut 755.

Föstudaginn 1 september 2023.

Nánari upplýsingar eru í síma 790-1180

Hvað eiga pennar, plastpokar, bíóprógrömm, servíettur og eldfæri sameiginlegt? 

Þetta eru allt smáhlutir sem hafa verið framleiddir með ákveðið notagildi í huga. Þegar þeir hafa lokið hlutverki sínu enda þeir oftar en ekki í ruslinu. Til eru þeir sem hafa þó einsett sér að safna slíkum hlutum með það markmið að eignast sem flesta og af mismunandi gerðum. Á sýningunni má sjá smáhluti sem hafa borist Byggðasafni Reykjanesbæjar sem heildstæð einkasöfn eða hluti af öðrum gjöfum. 

Annað atriði sem þessir smáhlutir eiga sameiginlegt er að þeir voru fjöldaframleiddir á árum áður en eru margir fágætari í dag. Stór hluti er merktur fyrirtækjum eða vörum og enda voru þeir ýmist gefnir, látnir fylgja með öðrum vörum eða seldir vægu verði. Hér gefst því tækifæri til að virða rifja upp liðna tíð og virða fyrir sér hvernig myndskreytingar og vörumerki hafa breyst. Elstu munirnir eru frá þriðja áratug 20. aldar en þeir yngstu aðeins nokkurra ára eða áratuga gamlir.

Sýningin verður opnuð fimmtudaginn 31. ágúst kl. 18 í Duus safnahúsum. Opnunin er hluti af dagskrá Ljósanætur. Verið öll velkomin. 

Byggðasafn Reykjanesbæjar hefur sýningar í Bryggjuhúsi Duus safnahúsa, Duusgötu 2-8, 230 Reykjanesbæ. Opið er alla daga frá 12 – 17.

Keppnisfyrirkomulag:

Punktakeppni

Höggleikur

Hámarksforgjöf 28.

Verðlaun:

Höggleikur:

1. vinningur: Junior svíta á Hótel Keflavík ásamt 3 rétta óvissuferð á Kef Resturant.

2. vinningur:Tveggja manna gisting á Hótel Vestmannar + gjafabréf á Kef Resturant 7500 kr.

3. vinningur: Tveggja manna gisting á Hótel Varmaland + gjafabréf á Kef Resturant 5000 kr.

4. vinningur: Tveggja manna gisting á Lighthouse Inn með morgunmat.

5. vinningur: Þriggja rétta óvissuferð á Kef.

6. vinningur: Gjafabréf frá Kef Resturant 7500 kr.

Punktakeppni:

1. vinningur: Junior svíta á Hótel Keflavík ásamt 3 rétta óvissuferð á Kef Resturant.

2. vinningur:Tveggja manna gisting á Hótel Vestmannar + gjafabréf á Kef Resturant 7500 kr.

3. vinningur: Tveggja mannan gisting á Hótel Varmaland + gjafabréf á Kef Resturant 5000 kr.

4.vinningur: Tveggja manna gisting á Lighthouse Inn með morgunmat.

5.vinningur: Þriggja rétta óvissuferð á Kef.

6.vinningur: Gjafabréf frá Kef Resturant 7500 kr.

Flestar Sjöur: 10 körfur af æfingaboltum á æfingasvæði GS: 

Hola í höggi: Gisting á Diamont Suites.

Annað:

​a) Athugið að sami aðili getur ekki unnið til verðlauna í báðum flokkum

b) Leikmenn verða að hafa virka forgjöf til að geta unnið til verðlauna

c) Mótanefnd áskilur sér rétt til breytinga

d) Leikið er skv. móta- og keppendareglum GSÍ nema annað komi fram.

e) Teigar: Karlar 65+ geta valið um teig en tilkynna þarf ef spilað er á rauðum eða bláum fyrir hring. Karlkyns kylfingar 64 ára og yngri þar með talin börn og unglingar spila á gulum teigum. Kvenkyns kylfingar, kvenkyns börn og unglingar spila á rauðum teigum.

- Forgjöf telst virk þegar 4 eða fleiri hringir hafa verið skráðir inn í Golfbox hjá þeim kylfingum sem ekki fengu nýja forgjöf skv. WHS forgjafakerfinu þann 1. mars 2020.

Dómari: Róbert Sigurðarson, s: 694-7265

Listasýning og opin vinnustofa hjá Ásdísi Erlu (diserla).

Nýjar áskoranir, ný hlutverk og áhugamál sameina konur á miðjum aldri. Á listasýningunni KONUR eiga þessar konur sameiginlegt að lifa lífinu á húmorískum nótum í vatnslitamyndum Ásdísar.

Á vinnustofunni verða Jólakonurnar-dagatal sem nýkomið er úr prentun til sölu sem og vinsælu tækifæriskerti Ásdísar m. a. Þakklætiskerti, vináttukerti og jólakerti.

Hvað eiga pennar, plastpokar, bíóprógrömm, servíettur og eldfæri sameiginlegt?

Þetta eru allt smáhlutir sem hafa verið framleiddir með ákveðið notagildi í huga. Þegar þeir hafa lokið hlutverki sínu enda þeir oftar en ekki í ruslinu. Til eru þeir sem hafa þó einsett sér að safna slíkum hlutum með það markmið að eignast sem flesta og af mismunandi gerðum. Á sýningunni má sjá smáhluti sem hafa borist Byggðasafni Reykjanesbæjar sem heildstæð einkasöfn eða hluti af öðrum gjöfum.

Annað atriði sem þessir smáhlutir eiga sameiginlegt er að þeir voru fjöldaframleiddir á árum áður en eru margir fágætari í dag. Stór hluti er merktur fyrirtækjum eða vörum og enda voru þeir ýmist gefnir, látnir fylgja með öðrum vörum eða seldir vægu verði. Hér gefst því tækifæri til að virða rifja upp liðna tíð og virða fyrir sér hvernig myndskreytingar og vörumerki hafa breyst. Elstu munirnir eru frá þriðja áratug 20. aldar en þeir yngstu aðeins nokkurra ára eða áratuga gamlir.

Byggðasafn Reykjanesbæjar hefur sýningar í Bryggjuhúsi Duus safnahúsa, Duusgötu 2-8, 230 Reykjanesbæ. Opið er alla daga frá 12 – 17.

Pakkið í Svarta Pakkhúsinu sýnir málverk og skúlptúr.

Listamenn eru: Halla Harðardóttir, Bjarnveig Björnsdóttir, Bragi Einarsson, Seweryn Chwala, Jóhann Maríusson og Þóra Jóna Dagbjartsdóttir.

Myndefni sýnt á skjavarpa um sögu 

Keflavíkur á útisvæði við Svarta Pakkhúsið.

Þegar verslanir loka á Hafnargötunni ætla Eva Ruza og Hjálmar Örn að leiða mannskapinn í pub quiz. 

Glæsilegir vinningar í boði Gull og fleiri vina Paddy's. 

4 saman í liði og borðapantanir fara fram í Stubb appinu.

Takmarkað framboð af  pöntuðum borðum en þó þau seljist upp verður pláss fyrir walk-ins.

https://stubb.is/events/oqDjgy 

Ljósanæturball Babies Flokksins á Paddy's í boði Egils Gull. 

Heimastrákarnir í Nostalgíu hita upp frá um miðnætti. 

Miðaverð: 3500kr í forsölu og 4500kr við hurð. 

Miðasala fer fram í Stubb appinu.

https://stubb.is/events/ykpwKo 

Páll Óskar kynnir:

Pallaball á Ljósanótt

Páll Óskar mætir á Ljósanótt og verður með Pallaball í Stapanum laugardagskvöldið 2. september.

Palli stjórnar stuðinu pásulaust frá 22:30 til 03:00! Það stefnir því allt í maraþon stuðkeyrslu í Stapanum þar sem Palli þeytir skífum, spilar öll bestu partílög mannkynssögunnar og fær dragdrottningar í heimsókn til að trylla liðið. Þegar leikar standa sem hæst syngur Palli sjálfur sín eigin lög af sínum langa ferli, en fyrsta sólóplatan hans, "Stuð" kom út í nóvember 1993. Poppstjarnan fagnar því 30 ára starfsafmæli um þessar mundir og hefur aldrei verið betri, orkumeiri og síðast en ekki síst - gordjöss.  

Miðaverð er 5500 kr. - Miðasala fer fram á Tix.is

Aldurstakmark 20 ára (sýna þarf löggild skilríki)

Sprell tívolí er staðsett á túninu á hátíðarsvæðinu

Dagbjört Magnúsdóttir verður með málverkasýningu. 

Miðlar og heilarar verða á staðnum.

spá/miðlun/heilun kostar kr.2500. 

Allir hjartanlega velkomnir, kaffi á könnuni.
 

Gísli Pálsson mannfræðingur og rithöfundur rekur forvitnilega sögu síðustu geirfuglanna. Gísli telur að dvöl ensku náttúrufræðinganna John Wolley og Alfred Newton í Höfnum sumarið 1858 hafi lagt grunninn að hugmyndum um aldauða dýrategunda af manna völdum. Hvað skyldi vera hæft í því? 

Gísli er meðal annars kunnur fyrir rit sín um umhverfismál og norðurslóðir, sem og verðlaunabókina Hans Jónatan: Maðurinn sem stal sjálfum sér. Árið 2020 kom út bók hans um Geirfuglinn: Fuglinn sem gat ekki flogið. Hún er væntanleg á ensku upp úr áramótum (The Last of its kind), mjög endurbætt.

Dagmar Róbertsdóttir (Dalla)  Myndlist.

Tekur þátt í samsýningu á Park Inn

Boðið verður upp á léttar veitingar við opnunina á fimmtudeginum. 

Njarðvíkurkirkjur kynna:  

Ljósanæturgospel Vox Felix  

Vox Felix  meðlimir undir stjórn Rafns Hlíðkvist munu slá til tónleika í Ytri-Njarðvíkurkirkju miðvikudagskvöldið 30. ágúst kl 20:00. 

Vox Felix er ungmennakór og er samkirkjulegt verkefni allra kirkjanna á Suðurnesjum þar sem sönggleði ræður ríkjum. 

Kórinn mun syngja vel valin lög með sinni alkunnu snilld og nokkuð ljóst er, að mikið stuð og stemning verður í kirkjunni.

Húsið opnar 19:30 og er frítt inn!

Sunnudaginn 3. september kl. 13:00 mun Snorri Ásmundsson ásamt Helgu Þórsdóttur, safnstjóra, taka á móti gestum í listamanna- og sýningarstjóraspjall um sýninguna Boðflennu í Listasafni Reykjanesbæjar. 

Í framhaldi kl. 14:00 í, Bíósal Duus Safnahúsa, verður sýnd hin heimsfræga heimildamynd XXXreyri. 

Listamaðurinn Snorri Ásmundsson og kvikmyndagerðarmaðurinn Kári G. Schram, unnu heimildamyndina XXXreyri í sameiningu árið 1999.
Myndin fjallar um kynlífsbyltinguna sem átti sér stað á Íslandi í upphafi 21. aldar. Strippklúbbar og súludansar voru nýtt fyrirbrigði á Íslandi, heimildamyndin skoðar þessa nýju uppáhalds dægradvöl íslensks samfélags og setur sviðið í Akureyrarbæ, enda eru Akureyringar þekktir fyrir að taka hlutina föstum tökum og kemst enginn með tærnar þar sem þeir hafa hælana.
Snorri og Kári hafa tekið viðtöl við fjölmarga Akureyringa í tengslum við gerð myndarinnar en einnig Reykvíkinga, sem hafa reynslusögur að segja frá Akureyri. 

Heimildamyndin XXXreyri er stjörnum prýdd perla sem enginn ætti að láta fram hjá sér fara. Myndin er þó bönnuð innan sextán ára. 

Eftir sýningu XXXreyri munu Snorri og Kári svara spurningum áhorfenda í pallborðsumræðum, fundarstjóri verður Helga Þórsdóttir safnstjóri Listasafns Reykjanesbæjar. 

Verið velkomin!

Við hefjum þessa Ljósanæturhelgi á Brons með algjörri neglu.

Konukvöld á Brons

Jón Jónsson kl. 21.30

Siddi Trúbadór lokar kvöldinu.

Mojitoseðillinn á tilboði allt kvöldið.

2.500 kr- eftir kl. 21.00

Aðeins selt við hurð

Komdu og kíktu á nýja matseðilinn okkar.

Við höfum opnað veitingastaðinn á Brons.

20 ára aldurstakmark

Brons, þar sem stemningunni er haldið á lofti

Edda Skúladóttir, hannar undir merkinu Fluga design sem er fata og fylgihlutalína fyrir konur á öllum aldri. Hún lauk sveinsprófi klæðskera 1996 og er með 9 ára starfsreynslu í tískubransanum í Los Angeles.Flutti heim til íslands 2005 og Fluga design varð til um 2011.

“Ég vinn mína hönnun má segja alla leið, þ.e hanna, geri snið og sauma allt sjálf." 

Hún notar eingöngu gæðaefni og vinnur munstrin sjálf með handlitun og/eða handmálun en þannig verður hver og ein flík einstök.

Netverslun www.fluga.is

Tvær frábærar ævintýrapersónur úr Ævintýraskógi Leikhópsins Lottu skemmta börnum á sviðinu í Skrúðgarðinum.

Í fyrsta sinn á Ljósanótt tekur Keflvíkingurinn, Marta Eiríksdóttir, rithöfundur og jógakennari, þátt í samsýningu á ritverkum sínum.

Listakonurnar eru eftirfarandi:

Dagmar Róbertsdóttir. Myndlist.

Fjóla Jóns. Myndlist.

Íris Rós Söring. Myndlist.

María Arnardóttir. Maju Men.

Sigga Dís. Myndlist.

Sigrún Ýr. byKrummi.is

Boðið verður upp á léttar veitingar við opnunina á fimmtudeginum.

Fríða Dís hefur starfað við tónlist frá unglingsaldri, aðallega sem söngkona, texta- og lagasmiður með Klassart, Eldum og Trilogiu. Hún hefur þar að auki tekið þátt í fjölda verkefna með ýmsu tónlistarfólki, t.d. Soffíu Björgu, Íkorna, Ingu Björk og Baggalúti, komið fram á fjölda tónleikum og verið með lög á vinsældarlistum Rásar 2, X-ins og Bylgjunnar. 

Fríða hefur gefið út þrjár plötur með hljómsveitinni Klassart og gaf út sína fyrstu sólóplötu, Myndaalbúm, árið 2020. Árið 2022 gaf hún svo út sína aðra og þriðju plötu, Lipstick On og Fall River.

 Hljómsveitin Demo kemur úr Reykjanesbæ. Meðlimir kynnstust í gegnum starf sitt í tónlistarskóla bæjarins.
Demó er skipuð Magnúsi Má Newman á trommur, Alexander Fryderyk Grybos sem syngur og spilar á gítar, Jakob Piotr Grybos píanóleikara, Guðjóni Steini Skúlasyni á bassa og Sigurði Baldvin Ólafssyni á gítar.

Taylors Tívolí verður á Ljósanótt með tívolítæki fyrir alla fjölskylduna, leiki, candyfloss og alvöru Tívolí stemmningu!

Leikfélag Keflavíkur býður hátíðargestum að labba um Frumleikhúsið. 

Gamlir sýningarmunir og leikskrár verða til sýnis og börnin fá tækifæri til að máta búninga á sviðinu. 

Leikfélag Keflavíkur heldur upp á kaffihúsakvöld. 

Open mic night og það er í boði að syngja karaoke, vera með uppistand, taka lagið eða annað skemmtilegt sem ykkur dettur í hug.

 Skemmtileg stund í Frumleikhúsinu. 

Er ekki tilvalið að skella sér á Brons eftir flugeldasýningu? 

Hr. Hnetusmjör 23.30

Lexi Special þeytir skífum fram á nótt.

2.500-kr eftir kl.21.00

Aðeins selt við hurð

Komdu og kíktu á nýja matseðilinn okkar.
Við höfum opnað veitingastaðinn á Brons.

20 ára aldurstakmark

Brons, þar sem stemningunni er haldið á lofti

Rokksafn Íslands er frábært safn fyrir alla fjölskylduna. Þar geta gestir kynnt sér sögu íslenskrar popp og rokktónlistar á gagnvirkan hátt. 

Á safninu er að finna tímalínu sem fjallar um íslenska popp og rokktónlist allt frá árinu 1835 til tónlistarmanna og hljómsveita á borð við Björk, Of Monsters and Men, Sigur Rós, Kaleo og fleiri. 

Á safninu er að finna stórt og gagnvirkt sýningaratriði sem hylur stærsta vegg safnsins þar sem upplýsingum um íslenska tónlistarmenn er varpað á tólf metra breiðan vegg. Tilgangur atriðisins er að gera safngestum kleift að kafa dýpra í sögu þeirra listamanna sem fjallað er um í sýningaratriðinu en atriðið blandar saman skrifaðri sögu listamannanna ásamt ljósmyndum, myndböndum og tónlist. Safngesturinn velur sjálfur hvaða vínylplötu hann setur á fóninn og svo snýr hann plötunni sjálfur á meðan hann skoðar efnið sem tengist listamanninum.

Auk þess geta safnagestir prófað ýmis hljóðfæri svo sem rafmagnsgítar, bassa, trommur og sérhannaðan karókí-klefa þar sem gestir geta sungið ýmis lög.

Rokksafn Íslands er fyrir alla – bæði þá sem þekkja og elska íslenska tónlist og þá sem vilja fræðast betur um hana. 

Safnið er opið alla daga frá 11:00-18:00. 

Ókeypis aðgangur er á Rokksafn Íslands á meðan Ljósanæturhátíðinni stendur.

Ljósanæturballið er árlegur viðburður fyrir ungmenni í 8.-10. bekk (fædd 2008-2010). Ballið verður miðvikudaginn 30. ágúst kl. 21:00-23:00 í Stapasal í Hljómahöll. 

Húsið opnar 20:45 og munu Sprite Zero Klan, DJ Ólafur Jóhann og Friðrik Dór halda uppi stuðinu. 

Miðinn kostar 3000 kr. en miðasalan fer fram í húsakynnum Fjörheima (Hafnargötu 88).

Tímasetning miðasölu:

- Miðvikudaginn 23. Ágúst kl. 19:30-21:30

- Föstudaginn 25. Ágúst kl. 19:30-21:30

- Mánudaginn 28. Ágúst kl. 19:30-21:30

Nánari upplýsingar má finna á samfélagsmiðlum félagsmiðstöðvarinnar Fjörheima. 

Ungmenni frá öðrum félagsmiðstöðvum á Suðurnesjum geta keypt miða í sinni félagsmiðstöð.

Sala á silkislæðum, mjúkum treflum og töskum með mynstrum úr íslenskri náttúru. Tækifæriskort og myndverk.

Tónleikar á Ljósanótt í Duus Safnahúsum (Bíósal) 

2. september kl.16:30 

Söngperlur úr Skáldið og Biskupsdóttirin 

Flytjendur: 

Alexandra Chernyshova – sópran og tónskáld

Lenka Mátéová – píanóleikari og orgelleikari

Guðrún Ásmundsdóttir – leikkona, rithöfundur og heiðurs gestur

Á tónleikununum munu gestir heyra aríur úr frumsömdu óperu Alexöndru Chernyshovu við handrit Guðrúnar Ásmundsdóttir „Skáldið og Biskupsdóttirin“. 

Þetta er í fyrsta skipti sem óperan er kynnt í Reykjanesbæ og mikil ánægja hjá höfundum að gera þetta á Ljósanótt 2023. 

Í byrjun þessa árs kom út nýr geisladískur með allri óperunni sem er skrifuð fyrir 11 einsöngvara, óperukór og hljómsveit. Í lok tónleikanna verður í boði að kaupa áritaðan geisladisk á sérstöku Ljósanæturtilboði.

Það er frítt inn og við hlökkum til að sjá sem flesta á meðan rúm Bíósals leyfir og eiga notalega stund með tónlist Alexöndru Chernyshovu og ljóðum eftir Hallgrím Pétursson, Guðnýju frá Klömbrum og Rúnar Kristjánsson.

Ljósmyndasýningin Paradís 

Ljósmyndari Larz 

Stemmingin í myndunum er ævintýraleg og eru flestar af íslenskri náttúru. Myndirnar reyna að fanga fegurð landins en líka hversu ógnvekjandi það getur verið. Túlkun þeirra er opin og í huga þess sem skoðar. 
Kjarninn í sýningunni er að tengja við arfleið forfeðra, þar sem fjörugt ímyndunarafl mætti stórbrotinni náttúru og þjóðsögur urðu til. Myndirnar segja sögur.

Ljósmynda- og kvikmyndasýning - Óður til Reykjaness.

Sýning sem sýnir landslag og náttúru Reykjanes bæði í ljósmyndum og kvikmynd.

Hlakka til að sjá ykkur í gömlu dráttarbrautinn við Duus húsin.

Jón R. Hilmarsson - Ljósmyndari:

Jón er sjálfmenntaður íslenskur landslags- og náttúruljósmyndari á Íslandi. Hann byrjaði að taka ljósmyndun alvarlega árið 2007 og hefur hlotið alþjóðlega viðurkenningu fyrir verk sín. Myndir hans, sem sumar hafa hlotið alþjóðleg verðlaun, hafa verið birtar um allan heim í blöðum, tímaritum og ýmsum bókum.

Með mikilli ástríðu fyrir ljósmyndun og ferðalögum um Ísland reynir Jón að draga fram áhugavert landslag, náttúru og þekkt kennileiti. Oft er farið að nálgast viðfangsefnið í ljósaskiptunum en þá gerast oft ótrúlegir hluti í náttúrunni sem gefur myndunum fjölbreyttari umgjörð og litskrúðugri en venjulega.

Frá því Jón byrjaði að mynda íslenskt landslag og náttúru hefur hann haldið fjölda sýninga hér heima og erlendis - t.d. verið sýningu á opnunarkvöldi á "Norrænum vikum í St. Pétursborg". Hann hefur einnig gefið út nokkrar ljósmyndabækur.

Jón hefur haft mikinn áhuga á heimildarmyndagerð um landslag og náttúru Íslands og hefur m.a. gefið út kvikmynd um eldgos á Reykjanesi sem var sýnd í sjónvarpi og norðurljós á Íslandi - Magical Sky Iceland. Kvikmyndaverk hans hafa verið sýnd um allan heim, t.d. á listahátíð í Japan.

www.magicalskyiceland.com / www.iphotographiceland.com  -  jonhilmarsson.photography@gmail.com

Líf, gleði og ró er heiti sölusýningar hjá Drífu keramik í versluninni Bústoð. Þetta eru vegglistaverk sem saman standa af mörgum einstökum keramik og póstulíns hlutum, sem mynda ákveðna heild en geta líka staðið einir og sér. Áferð og litir tala sínu máli.

Verkin eru handuninn og eru einstök, innblásturinn kemur frá náttúrunni, lífinu og leiknum. 

Í Fishershúsi er Tobba með sýningu á skúlptúr og myndlist. Óðinn, Þór, og Freyja birtast okkur ljóslifandi í koparvír og steypu. 

Það er gaman að segja frá því að Tobba er með einkasýningu á myndlist og skúlptúr í höfuðborg Kína (26 júlí til 19 ágúst), sem hefur slegið í gegn og fengið frábærar viðtökur. Í tilkynningu frá sendiráði Íslands í Kína er sýning Tobbu sú fyrsta þar í landi í mörg ár.   

Silfuhringir og mynt

Vefverslarnirnar LIND Scandinavia og Noel Studios verða með opna verslun á Ljósanótt. Báðar verslanir bjóða upp á 10% Ljósanætur afslátt. 

Stað- og tímasetning: Í húsnæði Eignamiðlunar Suðurnesja, Hafnargötu 50, fimmtudaginn 31. ágúst á milli kl 17:00 - 22:00. 

https://lindscandinavia.is/

LIND Scandinavia býður upp á veggspjöld í skandinavískum stíl með íslenskum orðskýringum, tilvitnunum og merkingum íslenskra nafna. Hugmyndin er að varðveita íslenskt tungumál og um leið ylja þeim sem þér þykir vænt um með fallegum orðum. 

https://noelstudios.is/

Noel Studios býður upp á vandaðan og þægilegan fatnað, með áherslu á jogging galla. Gallarnir hafa notið mikilla vinsælda, enda eru þeir einstaklega mjúkir, hlýir og góðir fyrir veturinn framundan.

Sýningin fjallar um stórkostlegar konur frá Reykjanesbæ og höfuðborgarsvæðinu sem vildu einbeita sér að eða bæta sjálfsviðurkenningu sína með því að sitja fyrir á myndlistarmyndum. Engin módelreynsla var nauðsynleg en allir þátttakendur höfðu áskorun, að hugsa um og nota einn fatnað að eigin vali fyrir myndalotuna sína. 

25 konur svöruðu opnum símtölum sem birtar voru á samfélagsmiðlum, 18 myndalotur voru loksins gerðar og nokkrir áhugaverðir hlutir voru notaðir sem þættir í lotunni. Mjög jákvæð viðbrögð fengust frá öllum þátttakendum og þessar einkamyndastundir hjálpuðu þeim í raun að bæta sjálfsálit sitt og sjálfsviðurkenningu.

Verkefnið var unnið í Keflavík frá maí til júlí 2023 og var styrkt af Menningarsjóði Reykjanesbæjar.

Blaut blágerð er ljósmyndasýning búin til með sólarljósi á vatnslitapappírsblöðum. Það líkist oft vatnslitamálun. Allar myndir eru einstakar, jafnvel nota sömu þætti eða útlit - það er ekki hægt að gera tvö nákvæmlega eins afrit. 

Leyfðu mér að bjóða í heiminn minn af blómablómaprentun, vona að þú hafir gaman af því.  Sjáumst í Fischer-húsinu, Adam Dereszkiewicz

• Íslensk hönnun og framleiðsla • handgerð í litlu magni •  

Reykjavík Candle Co. byKrummi var stofnað haustið 2021 með því markmiði að framleiða hrein hágæða ilmkerti úr bestu fáanlegu hráefnum til kertagerðar en kertin eru hvorki skaðleg heilsu né umhverfinu og eru ekki prófuð á dýrum

Maju Men heklað skart tekur þátt í 

samsýningu með listakonum þetta árið. Maja verður að vanda með mikið úrval af hálsmenum, armböndum, lyklakippum ofl. 

Sjón er söguríkari.

Boðið verður upp á léttar veitingar við 

opnunina á fimmtudeginum.

Hlakka til að taka á móti ykkur á Park Inn By Radisson. 

Boðið verður upp á léttar veitingar við opnunina á fimmtudeginum.

Í tilefni Ljósanætur verður opið hús í vöruhúsinu okkar í Grófinni 10a. 

Verið hjartanlega velkomin til okkar í stuð og stemningu, léttar veitingar og drykki fimmtudagskvöldið 31.ágúst frá kl.18-22. 

Unga listakonan Agnes Ynja Magnúsdóttir verður með myndlistarsýningu á staðnum og býður gestum og gangandi upp á léttar veitingar milli kl.15-18.

15% afsláttur af öllum vörum.

AtlantikH

er vistvæn Islensk hönnun sem framleiðir hágæða töskur og belti úr Islensku lambaleðri og fiskroði.

Stúdíó ART CASE - Marta Ryba 

Hafnargata 15, 230 Keflavík

- Málverk - Akril á striga

- Teiknað á pappír 

- Hágæða listaverkaeftirprent

- Verk til sölu

Listamaður

Marta Ryba hefur starfað við eigin list síðan 2011 og er enn að læra og þróast. Hún er tungumálakennari.

Sjá meira inni á 

www.marta-ryba.art

Verið hjartanlega velkomin!

Instagram: marta_ryba_art_case

Facebook: artcasemartaryba

Tiktok: @martarybaart

Farandprentsmiðjan “Brumm Brumm“ býður gestum á silkiþrykks- og myndlistarsýningu  í gömlum húsbíl sem hefur verið innréttaður sem prentverkstæði og gallerí. Gestir geta fylgst með ferli silkiþrykks og séð myndir sem við höfum verið að prenta og búa til í húsbílnum núna í sumar. 

Óli prik verður á handverksmarkaðinum sem hefur verið færður inn í SBK verkstæðishúsið sem er við gömlu dráttarbrautina við smábátahöfnina, opið verður fimmtud - sunnud.

Mikið úrval af húfum, buffalóum og fl.  Nafnamerkt á staðnum

Langar þig að læra macramé og hnýta þitt eigið vegghengi? 

Næsta námskeið verður 3. september á vinnustofunni hjá Sossu í Keflavík. Á námskeiðinu verður farið yfir undirstöðuhnútana í macramé en þátttakendur munu einnig hnýta sín eigin vegghengi til að taka með heim að námskeiði loknu. 

Tími: kl. 12:00-14:30

Notaleg stemmning og léttar veitingar í boði á staðnum ❤️

Hægt er að skrá sig hér að neðan eða með því að senda tölvupóst á marr@marr.is.

Ath. hægt er að fá styrk frá stéttarfélögum fyrir námskeiðsgjöldunum.

Hlýjar kveðjur,
Ninna Stefánsdóttir

Enn og aftur er Tækifæris Tattoo mætt á staðinn.

Skemmtun fyrir alla fjölskylduna.

Söng- og leikkonan Jana María leiðir áhorfendur í gegnum tónlistina sem tengdi Suðurnesin við veru Varnarliðsins ásamt píanóleikaranum Vigni Þór Stefánssyni.

Á efnisskrá má meðal annars finna tónlist þekkta í flutningi Burt Bacharach, Ellýjar og Villa Vill, Frank Sinatra, Caterina Valente, Hljóma og fleiri.

Nærvera bandaríska hersins á Keflavíkurflugvelli hafði óneitanlega áhrif á líf og störf Suðurnesjamanna á seinni hluta síðustu aldar.

Menningin í Keflavík tók stórum breytingum, ekki síst tónlistarlega, því herinn þurfti jú hljómsveitir og íslenskar söngkonur til að koma fram á klúbbunum.

Öll velkomin á meðan húsrúm leyfir.

Ég er að gera mót af höndum fólks með sílíkonblöndu sem er svo fyllt með gifsblöndu og út kemur nákvæm eftirlíking af höndum viðkomandi.

Facebook linkur:
https://www.facebook.com/profile.php?id=100090049419196