Viðburðir
Master Hilarion ómar á Ljósanótt
Master Hilarion ómar með bæjarbúum og öðrum gestum inn í Ljósanótt 2023.
Föstudaginn 1. september, kl. 17:30 - 18:10, tekur Master Hilarion á móti fólki í Listasafni Reykjanesbæjar. Hann er með heilandi nærveru og leiðir alla inn í víddir hugans.
Master Hilarion var prestur í musteri sannleikans á Atlantis og varð síðar einn af meisturum hinnar fornu speki þeirra upprisnu. Hann velur ákveðna mannveru af kostgæfni til þess að endurholdgast í og nú er það Snorri Ásmundsson.
Master Hilarion er heilari sem skapað hefur nýja tegund af jóga sem nefnist Sana Ba Lana Yoga og miðar að því að allir geti tekið þátt á einfaldan hátt.
Ógleymanleg upplifun sem enginn má missa af og telst viðeigandi fyrir alla aldurshópa.
Einungis þarf að mæta, jógadýnur og aðrir aukahlutir eru óþarfir.
Verið öll hjartanlega velkomin!
Dagsetning og tími
Föstudagurinn 1. september
17:30 - 18:10
Staðsetning
Duusgötu 2-8, Listasafn Reykjanesbæjar, 230
