Bland í poka er myndlistarsýning þar sem fjölbreytileikinn fær að njóta sín – bæði í efnistökum, aðferðum og viðfangsefnum.

Á sýningunni verða verk frá ólíkum tímabilum ásamt nýjum verkum sem unnin hafa verið sérstaklega með Ljósanótt í huga. Unnið er með akrýlmálningu, vatnsliti, blek, blandaða tækni og áferðarvinnu, þar sem ólík efni og aðferðir fá að mætast.

Verkin eru jafn fjölbreytt og þau eru persónuleg. Sum eiga rætur í minningum og upplifunum, önnur hafa orðið til út frá augnablikinu, forvitni og löngun til að prófa eitthvað nýtt.

Verið hjartanlega velkomin á sýninguna.

— Ania