Heimatónleikar í Gamla bænum fara fram á föstudagskvöldið 5. september 2025 og eru þeir haldnir í níunda sinn.  

Heimatónleikar í Gamla bænum eru ein af perlum Ljósanætur. Þá breytast fimm heimili í gamla bænum í litla tónleikastaði þar sem vel valdir listamenn koma fram – ýmist á palli úti eða inni í stofu gestgjafans. 

Tónleikarnir hefjast samstundis kl. 21:00 og eru síðan endurteknir kl. 22:00—Tónleikagestir geta gengið á milli heimila og fundið tónlist við sitt hæfi, allt umkringt skemmtilegri og persónulegri stemningu.