Laugardaginn 6. september milli kl. 12:00–16:00 býður Siglingafélagið Knörr upp á bátasmiðju og fiskasýningu við aðstöðu félagsins í Grófinni. 

Börn á öllum aldri fá tækifæri til að smíða sér lítinn bát og sigla honum í fiskikörum. Svo er hægt að prufa bátinn á tjörninni í Skrúðgarðinum. 

Á svæðinu verða öll nauðsynleg verkfæri og efnisviður, þannig að hver og einn getur búið til og skreytt sinn eiginn bát og skoðað nokkrar fiskitegundir.